මෙරට නිදහස් අධ්යාපන ක්ෂේත්රයේ පැන නැගී ඇති ගැටලු රැසක් විපක්ෂ නායක සජිත් ප්රේමදාස මහතා අද පාර්ලිමේන්තුව හමුවේ ඉදිරිපත් කළේය.Sri Lanka Latest News
පසුගිය ඔක්තෝබර් 10 වැනිදා අධ්යාපන ක්ෂේත්රය සම්බන්ධයෙන් විපක්ෂ නායක සජිත් ප්රේමදාස මහතා නැගූ ප්රශ්න සඳහා මාස 4කට පසු අද පාර්ලිමේන්තුවේදී අධ්යාපන අමාත්යවරිය පිළිතුරු ලබා දීමෙන් පසුව ඒ සම්බන්ධයෙන් පැහැදිලි කිරීමක් කළ අවස්ථාවේදීය.
අධ්යාපන අමාත්යවරියගේ පැහැදිලි කිරීම තුළ විශ්වවිද්යාල ක්ෂේත්රයේ පුරප්පාඩු සහ බුද්ධි ගලනය සම්බන්ධයෙන් පිළිතුරු නොලැබී ඇති බවත් රජය පාසල් වසා දමන්නේ නැති බව කිව්වත් පාසල් රැසක් වසා දමා ඇති බව වාර්තා වෙන බවත් මේ සම්බන්ධයෙන් විධිමත් පැහැදිලි කිරීමක් අවශ්ය බවත් විපක්ෂ නායකවරයා පැවසීය.
කෝ ගුරුවරුවන්ට දෙනවා කිව්වා ඉතිරි 2/3
එසේම ගුරුවරුන් ඉල්ලා සිටි ඉතිරි 2/3 දීමනවා දෙනවා කිව්වත් එය ද ක්රියාත්මක නොවන බවත් මේ වන විට පාසල් පද්ධතිය තුළ දෙමාපියන්ගෙන් මුදල් එකතු කර ටෙලිවිෂන් යන්ත්ර, ස්මාර්ට් බෝර්ඩ් ලබා ගැනීමේ වැඩපිළිවෙළක් ක්රියාත්මක බවත් කොළඹ රාජකීය විද්යාලයේ ද මෙවැනි මුදල් වෙන් කිරීමක් සිදු කර ඇති නිසා මේ සම්බන්ධයෙන් අවධානය යොමු කර නිදහස් අධ්යාපනය ශක්තිමත් කරන්න අධ්යාපන අමාත්යාංශයෙන් ඒ සම්පත් ලබා දෙන ලෙස ඉල්ලා සිටින බවත් මේ මුදල් එකතු කිරීම නවත්වන ලෙස චක්රලේඛයක් හරහා නියෝග කරන ලෙසත් විපක්ෂ නායක සජිත් ප්රේමදාස මහතා පැවසීය.
එමෙන්ම වත්මන් රජය තුළ ප්රතිපත්තිමය තීන්දුවක් ලෙස ඩිජිටල්කරණය ක්රියාත්මක කරන්න සූදානම් නමුත් අධ්යාපන ප්රතිසංස්කරණ තුළ 1-5 ශ්රේණි දක්වා තොරතුරු තාක්ෂණ විෂය ඉගැන්වීම ආරම්භ කරන්න අපොහොසත් වී ඇති බවත් ඩිජිටල්කරණය රජයේ ප්රතිපත්තිය නම් මෙය 1-13 දක්වා තොරතුරු තාක්ෂණය ඉංග්රීසි මාධ්යයෙන් ඉගැන්විය යුතු බවත් විපක්ෂ නායකවරයා පැවසීය.
ගම්පහ වික්රමාරච්චි විශ්වවිද්යාලයේ පශ්චාත් උපාධි අධ්යයන ආයතනය වසා දැමීමටත් ශ්රී ජයවර්ධනපුර විශ්වවිද්යාලයේ Dental Faculty එක ඉවත් කරන්න සූදානමක් යන බව වාර්තා වෙන බවත් මේවා නිදහස් අධ්යාපනය කප්පාදු කිරීමක් බවත් එය සිදු නොකරන ලෙස ඉල්ලා සිටින බවත් විපක්ෂ නායකවරයා වැඩිදුරටත් පැවසීය.
