ගොවිතැනේ නියැළෙන ජනතාවට රු. 25000 පොහොර සහනාධාරය තවමත් හරිහැටි ලැබී නැති බවත් පසුගිය පාර්ලිමේන්තුවේත් මේ ගැන තමා ප්රශ්න කළ බවත් තවමත් මේ සදහා වෙන් කර ඇති මුදල් ප්රමාණයෙන් 40%ක් පමණක් භාවිත කර ඇති බවත් අංගසම්පුර්ණ රු.25000 සහනාධාරය හරිහැටි නොලැබී ඇති බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ ගල්ගමුව සතිපොළ භූමියේ සහ ගිරිබාව ප්රදේශයේ පැවැති ජනහමුවකදීය.
මේ වන විට ගොයම් පූදින කාලය බැවින් පොහොර සහනාධාර කඩිනමින් දිය යුතු බවත් එදා සුන්දර වචන භාවිත කරමින් කියු දේවල් අද කරන්න නොහැකි වී ඇති බවත් කතාව සහ ක්රියාව අතර බරපතල පරතරයක් ඇති බවත් විපක්ෂ නායකවරයා තවදුරටත් පැවසීය.
විදුලි බිලේ සහනයවත් හරිහැටි ජනතාවට ලැබී නැහැ
විදුලි බිල 33%කින් අඩු කරනවා කියා මැතිවරණනයට පෙර කිව්වත් විදුලි බල ඇමති 37%කින් වැඩි කරන්න යෝජනා වී ඇති බව පවසද්දි මාස 6කට විදුලි බිල අඩු කරන්න බැ කියා විදුලි බල මණ්ඩලය කියද්දි මහජන උපයෝගීතා කොමිසම අදහස් යෝජනා ගෙන විදුලි බිල 20%කින් අඩු කරන්න යෝජනා කර ඇති බවත් එවැනි තත්ත්වයක් උඩ මෙසේ විදුලි බිල අඩු කිරීම මුදල් අමාත්යාංශයේ අනුමැතිය අවශ්ය බවට පවසන බවත් විපක්ෂ නායකවරයා පැවසීය.
මැතිවරණයේ දී එක් කතාවක් සහ දැන් තවත් කතාවක් කියමින් ජනතාවගේ ප්රබලතම ඉල්ලීම පවා නොසලකා හරින තත්ත්වයට රජය පත්ව ඇති බවත් විදුලි බිල අඩුකිරීම ගැන රජයට පැහැදිලි වැඩපිළිවෙළක් නොමැති බවත් ජනතවගේ සුබසිද්ධිය උදෙසා රාජ්ය පාලනය කරන හැටිවත් නොදන්නා බවත් විපක්ෂ නායකවරයා තවදුරටත් පැවසීය.
ආණ්ඩුව ඇතුලේ කණ්ඩායම් කකුලෙන් අදිමින් වැඩ බැරි කම පෙන්වද්දි අසහනයට පීඩනයට පත් වන්නේ රටේ ජනතාව බවත් මහජන උපයෝගීතා කොමිසම නිර්දේශ ලබා දෙද්දි ඒ සුබ පණිවිඩය ජනතාවට දෙන එක රජයේ වගකීම වුවත් එය හරියට කරන්න නොහැකි වී ඇති බවත් රජය 33% විදුලි බිලේ අඩු කිරීම කරන තුරු ජනතාව වෙනුවෙන් ප්රජාතන්ත්රවාදී සටනක නියැලෙන බවත් විපක්ෂ නායකවරයා තවදුරටත් පැවසීය.
