ජනතා අරගලය හේතුවෙන් ඉල්ලා අස් වන්නට සිදු වූ ජනපති-අගමැති-මුදල් ඇමති ඇතුළු කණ්ඩායම වෙනුවට එදා ඔවුන්ට අවශ්ය වූයේ ඔවුන්ගේ සිතැගි ඉටුකරන පුද්ගලයෙකු ජනාධිපති ධුරයට පත් කිරීම බවත්, එදා තමන්ට අගමැති තනතුරට ආරාධනා කොට ඔවුන් බලාපොරොත්තු වුනේ දින කීපයකට පසු විශ්වාසභංගයක් ගෙනැවිත් තමාගේ දේශපාලන ජීවිතයම අවසන් කොට දැමීම බවත් විපක්ෂ නායක සජිත් ප්රේමදාස මහතා පැවසීය.
මේ බව තේරුම් නොගැනීමට තරම් තමන් දේශපාලනයේ අපරිනත අයෙකු නොවන බව ප්රකාශ කළ විපක්ෂ නායකතුමා, එවැනි ලොසිංජරවලට තමන් නොරැවටෙන බව ද පැවසීය.
ආණ්ඩුව තමන්ට වැඩක් කරන්නට නොහැකි බව ප්රත්යක්ෂ කොට ඇති බවත් එවන් ආණ්ඩුවෙන් තමන් ඉල්ලා සිටින්නේ එක ම එක දෙයක් බවත්,ඒ අන් කිසිවක් නොව මැතිවරණයක් බවත් විපක්ෂ නායකතුමා පැවසීය.
තිස්සමහාරාම බෙරලිහෙළ දී ගොවි ජනතාවට කෘෂි උපකරණ බෙදාදීමේ වැඩසටහනකට අද (30) එක්වෙමින් විපක්ෂ නායකතුමා මේ බව පැවසීය.
පුරවැසි අරගලය හේතුවෙන් හිටපු මුදල් ඇමති,අගමැති සහ ජනාධිපති පිළිවෙලින් ගෙදර ගිය බව පැවසූ විපක්ෂ නායකතුමා ඒ වෙනුවට උපක්රමශීලීව පොහොට්ටුවේ නායකයින් විසින් තමන්ට හිතවත් වර්තමාන ජනාධිපතිවරයාව පත් කරගත් බවද පැවසීය.
