ආණ්ඩුව මේ රට අඳුරට ගෙන යනවා මිස ආලෝකය වෙත රැගෙන යාමේ ලකුණක්වත් දකින්නට නැති බවත් සෞභාග්යය වෙනුවට රටට ආණ්ඩුව ඉතිරි කොට ඇත්තේ අසහනය සහ පීඩනය පමණක් බවත් විපක්ෂ නායක සජිත් ප්රේමදාස මහතා පැවසීය.
එක් අතකින් විරැකියාව ඉහළ ගොස් ඇති බවත් ඒ හේතුවෙන් තරුණ තරුණියන් රැකියා විරහිතව පීඩාවෙන් සිටින බවත්,අනෙක් පැත්තෙන් ගොවි ජනතාව අන්ත අසරණ වී ඇති බවත් ඒ මහතා පැවසීය. සමස්ත ජනතාවම සිටින්නේ ජීවත්වීම පිළිබඳව බරපතළ අර්බුද රැසක බව පැවසූ විපක්ෂ නායකතුමා මේ තත්ත්වය වෙනස් කරන්නට ඇති එකම බලවේගය සමගි ජන බලවේගය පමණක් බවද බව ද පැවසීය.
ආනමඩුව ආසන සහය සංවිධායක අසේල ප්රේමලාල් කරුණාරත්න මහතාගේ කාර්යාලය විවෘත කිරීමේ අවස්ථාවට එක්වෙමින් විපක්ෂ නායකතුමා මේ බව පැවසීය.
මෙම අවස්ථාවට සමගි ජනබලවේගයේ පුත්තලම දිස්ත්රික් පාර්ලිමේන්තු මන්ත්රී හෙක්ටර් අප්පුහාමි, හිටපු නියෝජ්ය අමාත්ය නියෝමාල් පෙරේරා ඇතුලු පිරිසක් එක්ව සිටියහ.
