අද වන විට මුළු රටම මහත් අන්ධකාර ව්යසනයක් වෙත ගමන් කරමින් තිබෙන බවත් එය වහා නතර කොට රටම ආලෝකය කරා රැගෙන යෑමට සියලු පාර්ශව එකට එක්වී අත්වැල් බැඳගත යුතු කාලය එළඹ ඇති බවත් විපක්ෂ නායක සජිත් ප්රේමදාස මහතා පැවසීය.
අද රටම ඉල්ලා සිටින්නේත්, මුළු රටම බලාපොරොත්තු වන්නේත් පෞද්ගලික බල තණ්හාවෙන් පිරුණු අරමුණු මත හඹායාම නොවන බවත්, පටු අපේක්ෂාවන් පැත්තකින් තබා ඒකායන තිරසාර අරමුණකින් එකට එක්වී කටයුතු කිරීම බවත් ඒ මහතා පැවසීය.
සාධාරණ සමාජයක් සදහා වූ ජාතික ව්යාපාරය විසින් සංවිධානය කරනු ලැබූ “විපක්ෂයේ සර්ව පාක්ෂික එකමුතුවක් සඳහා වූ ආරම්භක සමුළුව” අද (17) කොළඹ ජානකී හෝටල් පරිශ්රයේදී පැවැත්විණි.
විපක්ෂ නායක සජිත් ප්රේමදාස, හිටපු කතානායක කරු ජයසූරිය ඇතුලු දේශපාලන නායකකාරකාදීන් රැසක් ඊට එක්ව සිටියහ.
