ඊශ්රායලය ගසා නගරය ආක්රමණය කර ලෝක සම්මුතියක් ලෙස රටවල් දෙකේ විසදුම සම්පූර්ණයෙන් නැති කරන්නට එක්සත් ජාතීන්ගේ General assembly හි යෝජනා 241, 338 සම්පූර්ණයෙන්ම උල්ලංඝනය කරමින් මේ ආක්රමණශීලී ක්රියාවලිය තරයේ හෙළා දකින බවත් අද පලස්තීන රටේ සිදු වන්නේ දැවැන්ත සංහාරයක් සහ ඛේදවාචකයක් බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේ දී පලස්තීන ඊශ්රායල් ගැටුම සම්බන්ධයෙන් වන සිය අදහස් පළ කරමිනි
රෝහල්වලට බෝම්බ දමා විනාශ කිරීමත් ආහාර සැපයුමට බාධා පැමිණවීමත් නිසා සාගතයත් පවා නිර්මාණය වී ඇති බවත් රාජ්ය ත්රස්තවාදය ක්රියාත්මක කර දරුවන් මව්වරුන් සිවිල් පුරවැසියන් ඉලක්ක කර ක්රියාත්මක රාජ්ය ත්රස්තවාදය රටක් ජනතාවත් ලෙස තරයේ හෙළා දකින බවත් මේ මානව අයිතිය වෙනුවෙන් අපේ ස්ථාවරය ප්රකාශ කරන්න බිය නොවිය යුතු බවත් විපක්ෂ නායකවරයා පැවසීය.
මැදපෙරදිග පලස්තීන ඊශ්රායල් ගැටුම 1948 ආරම්භ වී 1956 , 1967, 1973, 1978 සිට එක දිගටම මේ යුද්ධය පැවැති බවත් කැම්ප් ඩේවිඩ් සාකච්ඡා තුළ සම්මුතියක් නිර්මාණය වූ බවත් විවිධ සම්මුති හරහා රටවල් දෙකේ විසඳුමට ලෝකයාම එකග වුවත් එය ක්රියාත්මක කරන්න බැරි තැනට ඊශ්රායලය පත් කර ඇති බවත් රටවල් දෙක වෙනුවට එක රටක් කරන්න හදන බවත් විපක්ෂ නායකවරයා පැවසීය.
