වෙනසක නිර්මාපකයන් ලෙස දීප්තිමත් හෙට දිනක් හැඩගැස්වීමේ වගකීම හා අවස්ථාව ඇති බවත් පක්ෂය ගැන ඉදිරි වැඩපිළිවෙළ ගැන නැවත සිතන ලෙසත් ලෝකය පෙර නොවූ විරූ වේගයකින් ඉදිරියට යන මොහොතක අපේ රටේ ජනතාව නිර්භීත ක්රියාමාර්ග ඉල්ලා සිටින අභියෝග සහ අවස්ථාවන්ට මුහුණ දී රට ශක්තිමත් කිරීමේ ගමනේ ලොකු බලාපොරොත්තුවක සිටින අවස්ථාවක් බවත් මේ මොහොත වන විට පැරණි න්යායන් මත විශ්වාස තබා ගත නොහැකි බවත් විපක්ෂ නායකවරයා පැවසීය.Sri Lanka Latest News
පැරණි අදහස්වල යම් වැදගත්කම් සාධනීය ලක්ෂණ තිබුණත් සෑම දෙයක්ම මොහොතින් මොහොත වෙනස් වන බවත් දැනුම, උපායමාර්ග අලුත් වෙන බවත් පුරවැසියන් දේශපාලන විශේෂඥයන්ට හා දේශපාලඥයන්ට වඩා වෙනස් විදිහට තීන්දු තීරණ ගන්නා බවත් පුරවැසියන් සෑම දෙයකටම සහභාගී වී ක්රියාකාරී තීරණ ගන්න සෘජුවම දායකත්වයක් ලබා දෙන බවත් පසුගිය වසරේ සිදුවූ වැරදීම තුළ ලොකු හිඩසක් නිර්මාණය වී ඇති බවත් ඒ හිඩස පිරවිය යුතු නිසා බලයේ සිටින අයට වඩා වැඩි දෙයක් සිතිය යුතු බවත් එය මහජනතාව පිළිගන්නා දෙයක් විය යුතු බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ සමගි ජන බලවේගයේ පක්ෂ සාමාජිකයන් සහ ක්රියාකාරීන් සඳහා පැවැති වැඩමුළුවක් අමතමිනි.
බලයේ සිටින අයට කරන්න බැරි හිතන්න බැරි දෙයක් මහජනතාව ඉදිරියේ තබන විට ඒ නිවැරදි ගමන තුළ ජනතාව ඉල්ලා සිටින මතවාදය ප්රායෝගිකව ක්රියාත්මක කරන්න හැකිවිය යුතු බවත් මේ වැඩමුළුවේදී පුරවැසියා ඉදිරිපත් කරන දේශපාලනයට ප්රතිචාර දක්වන්න නිර්භීතව ඉදිරිගාමීව කටයුතු කළ යුතු බවත් නව උපායමාර්ග ගොඩනැගීම ඉතාම වැදගත් බවත් විපක්ෂ නායකවරයා මෙහි දී අවධාරණය කළේය.
තරගකාරීත්වයෙන් ඔබ්බට ගොස් ජනතාව සමග සමපාත වීමට නම් වෙනස් ආකාරයට සිතිය යුතු බවත් පුරවැසියන්ට තීන්දු තීරණ ගැනීමේ අවස්ථාව වර්ධනය කිරිමට දෙවැනි පොදු මන්ත්රී මණ්ඩලයක් ගැන ලෝකයේ ද කතා වෙන බවත් සමහර රටවල ක්රියාත්මක වන බවත් මේ ගැන සමාජයේ කතා බහක් සිදුවන බවත් පැවසූ විපක්ෂ නායකවරයා කියා සිටියේ බොරු පොරොන්දු දී බලයට ලැබුණු පසු ඒවා ඉටු නොකරන අකාර්යක්ෂම මහජන නියෝජිතයන් නැවත කැඳවීමේ ආණ්ඩුක්රමයක් ගැන සිතිය යුතු බවත් ය.
ඡන්ද දායකයන් සමග සම්බන්ධ වීමට ජනතාව සමඟ සම්බන්ධවීමට කෘතීම බුද්ධිය වැනි තාක්ෂණික ක්රියාමාර්ග යොදා ගත යුතු බවත් ෆීනික්ස් කුරුල්ලෙක් මෙන් නැවත අලු මතින් නැගී සිටිය යුතු බවත් නැවත සිතීම, අලුතින් සිතීම, නිර්මාණශීලී අදහස් තුළින් ඉදිරියට යාම හා හැරවුම් ලක්ෂයක් සනිටුවහන් කිරීම මෙම වැඩසටහනේ අරමුණ බවත් මේ වැඩසටහන හරහා පක්ෂයේ අනාගතය සහ උපායමාර්ග මෙන්ම රටේ අනාගත අභිවෘද්ධිය ගැන සිතා බැලිය යුතු බවත් විපක්ෂ නායකවරයා පැවසීය.
