වත්මන් රජය විසින් දිව දෙකේ ප්රතිපත්තිය මත පිහිටමින් දේශපාලන පළිගැනීම්වල නිරත වී සිටින බවත් රජය විසින් නව බදවා ගැනීම් සහ ස්ථිර කිරීම් සිදු නොකරන බව පැවසුවත් ගෝඨාභය රාජපක්ෂ ජනාධිපතිවරයාගේ රජය යටතේ බදවා ගත් සේවයක් ස්ථිර කර ඊට පෙර රජය යටතේ බදවා ගත් සේවකයන් ස්ථිර නොකරමින් සිටින බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායකවරයා මේ බව කියා සිටියේ අද සවස මාර්ග සංවර්ධන අධිකාරියේ නඩත්තු අංශයේ සේවය කරන ස්ථීර නොවූ සේවකයන් පිරිසක් හමු වූ අවස්ථාවේ දීය.
රටේ මාර්ග පද්ධතිය නඩත්තු කිරීමේ බරපතල වගකීම බාරව සිටින රුපියල් 30000ක වැනි සොච්චම් වැටුපකින් ජිවිතය ගෙන යන මාර්ග සංවර්ධන අධිකාරියේ නඩත්තු සේවකයන් විපක්ෂ නායකවරයා හමු විය. එක්සත් පොදු සේවක සංගමය නියෝජනය කරන මේ පිරිස විපක්ෂ නායක කාර්යාලයේ දී විපක්ෂ නායකවරයා හමුවී තම දුක්ගැනවිලි ඉදිරිපත් කළේය.
බහුකාර්ය සේවකයන්ට එක සැලකිල්ලක් සහ අනෙකුත් සේවයන්හි අනියම් ක්ෂේත්රවල සේවකයන්ට වෙනම සැලකිල්ලක් සිදු කරන බවත් නමුත් එය සාධාරණ නොවන බවත් ස්ථිර කිරීම් සිදු කරනවා නම් සෑම දෙනාටම එක හා සමානව සැලකිය යුතු බවත් පැවසූ විපක්ෂ නායකවරයා කියා සිටියේ එක එක ආණ්ඩු යටතේ රැකියාවලට පැමිණි පිරිස් තෝරා බේරා රැකියා ස්ථීර කිරීම තුළින් එක් පාර්ශ්වයකගේ මූලික අයිතිවාසිකම් කඩවීමක් බැවින් මෙවැනි ද්විත්ව ප්රතිපත්තිවලින් බැහැර වන ලෙස වත්මන් ජනාධිපතිවරයාට කියා සිටින බව යි.
වත්මන් ජනාධිපතිවරයා විසින් ද්විත්ව රංගනයක් සිදු කරන බවත් ඔහු රටටම ජනාධිපතිවරයා මිස ඔහුව පත් කළ 134 ජනාධිපති නොවන බැවින් බහු කාර්ය හෝ වෙනත් කාර්ය හෝ වේවා ස්ථිර කරනවා නම් අනියම් සේවකයන් සියලු දෙනාම ස්ථීර කල යුතු බවත් විපක්ෂ නායකවරයා පැවසීය.
මේ බංකොලොත් රටට මේ අවස්ථාවේ අවශ්ය වී ඇත්තේ මනුස්සකම බවත් එක එක කොටස්වලට බෙදා මිනිසුන්ට සැලකීම අනුමත කළ නොහැකි බවත් පැවසු විපක්ෂ නායකවරයා කියා සිටියේ දුම්රිය දෙපාර්තමේන්තුවේ 3000කට ආසන්න පිරිසක් ස්ථිර කර සිටිය දී මෙම පිරිස ස්ථිර නොකිරීම මූලික අයිතිවාසිකම් කඩ කිරීමක් බවත් විෂය බාර අමාත්ය බන්දුල ගුණවර්ධන මහතාට කියා සිටින්නේ ජනතාවගේ මූලික අයිතිවාසකම් කඩ කරන්නේ නම් රටේ විකල්ප ආණ්ඩුව ලෙස සමගි ජන බලවේගය නීතිමය පියවර ගැනීමට කටයුතු කරන බව යි.
