සහල් ව්යාපාරිකයෙක් තම නාස්තිකාර අධික වියදම් ඔක්කාරය හැදෙන තරමට සමාජ මාධ්යවල ප්රදර්ශනාත්මකව පළකරමින්, ලැජ්ජාසහගත ලෙස ජනප්රියත්වය හඹායන්නකු බවට පත්ව ඇත. ඔහු තම ආත්මාර්ථකාමීත්වය සහ මාර්ගගත දෘශ්යතාව වැඩිකර ගැනීම සඳහා ඔහු අලුතින් අත්පත් කරගත් රෝල්ස් රොයිස් වාහනය ටික්ටොක් කරමින් සිටී. ඔහු තමාගේම මුදල්වලින් කරන දේ වෙනත් කිසිවකුගේ සැලකිල්ලක් නොවිය යුතු බව කෙනකුට තර්ක කළ හැකිය. මෙම තර්කයට යම් සුදුසුකමක් නොමැතිව නොවේ.
මහා පරිමාණ සහල් මෝල් හිමියන් මේ ආකාරයෙන් තම ධනය අශිෂ්ට ලෙස ප්රදර්ශනය කරන්නේ වී ගොවියන් ණය බරින් මිරිකී සිටිමින්, ඔවුන්ගේ එදිනෙදා කටයුතු සඳහා ඔවුන්ගේ ගෘහභාණ්ඩ, ස්වර්ණාභරණ සහ කෘෂිකාර්මික උපකරණ උකස් කරමින් සිටින සහ මහජනතාව සහල් මිල ගණන් නොදැනුවත්වම ඉහළ යාම ගැන පැමිණිලි කරන අතරතුරය.Sri Lanka Latest News
මෙයින් පෙනීයන්නේ වී ගොවියන්ගේ සහ පාරිභෝගිකයන්ගේ අවශ්යතා ආරක්ෂා කිරීම සඳහා ක්රියාත්මක වන යාන්ත්රණයන්හි යම් දරුණු වැරැද්දක් ඇති බවයි. එය මහා පරිමාණ මෝල් හිමියන්ගේ නිතර නිතර කියැවෙන ප්රකාශය බොරුවක් බවට පත්කර තිබේ. එනම් තමන් ගිලෙන්නේ නැතිය යාන්තමට ජලයට ඉහළින් තම හිස තබාගෙන සිටින බවටත්, වරින් වර සහල් මිල වැඩි කිරීමට යුක්තිසහගත බවත් කීමය.
විශාල මුදල් සම්භාරයක් වියදම් කරන බලවත් සහල් මෝල් හිමියන්ගේ සාක්කුවේ දේශපාලනඥයන් සහ දේශපාලන පක්ෂ සිටින බව ප්රසිද්ධ කරුණකි. අනුප්රාප්තික රජයන් ඔවුන්ගේ ත්යාගශීලීත්වයෙන් ප්රතිලාභ ලබා ඇති අතර, මහජනතාවගේ බර පටවමින් ඔවුන්ගේ අවශ්යතා ආරක්ෂා කර ඇත.
හිටපු හමුදා නිලධාරියකු වූ ගෝඨාභය රාජපක්ෂ ජනාධිපති ධුරයට පත්කළ අය ඔහු, ඔවුන්ගේ සූරාකෑමේ ක්රියාවන් සඳහා කුප්රකට අකීකරු මෝල් හිමියන්ට එරෙහිව දැඩි ලෙස කටයුතු කරනු ඇතැයි අපේක්ෂා කළ නමුත්, ඒවා කාර්යය ගැනීමට ඔහුට ධෛර්යයක් නොතිබිණි.
මහජනතාවගේ අවශ්යතා ගැන සොයාබැලීම වෙනුවට, ඔහු පාරිභෝගික කටයුතු අධිකාරියට නියෝග කළේ සමහර ධනවත් මෝල් හිමියන්ගේ පුළුල් ගබඩාවල ගබඩා කර ඇති වී සෙවීම නවත්වන ලෙසයි, එමගින් සහල් ව්යාපාරික ධනවත් හවුලට වී සහ සහල් වෙළෙඳපළ හැසිරවීමට ඉඩ සැලසීය. අසාර්ථක ගෝඨාභය පාලනයේ පූර්වගාමීන් ද එසේම කළේය. මුදල් කතාකරන විට ඇටුවන් බැහැපු මාක්ස්වාදීන් පවා සවන් දෙන බවට කියමනක් තිබේ.
2024දී, කලකිරුණු ඡන්දදායකයෝ, මාක්ස්වාදය පිළිගන්නා බව කියා සිටින ජනතා විමුක්ති පෙරමුණේ නායකත්වයෙන් යුත් එන්.පී.පී.යට අතිමහත් ලෙස ඡන්දය දුන් අතර, ජාතික ප්රමුඛතාවක් ලෙස සලකා මෝල් හිමියන් ඇතුළු වෙළෙඳුන්ගේ මාෆියාව හීලෑ කරනු ඇතැයි අපේක්ෂා කළහ. නමුත් ‘මාක්ස්වාදීන්’ ශ්රී ලංකාවේ මාර්ගවල ත්රීවීල් මෙන් වමට සහ දකුණට හැරෙන ලෙස සංඥා කරන අතර, බලවත් මෝල් හිමියෝ ඔවුන් කැමැති පරිදි කටයුතු කරති.
බලයට පත්වී මාස කිහිපයකට පසු, සහල් හිඟය සහ ඉහළ මිල ගණන් පිළිබඳ බලවත් මෝල් හිමියන් පිරිසක් සමග පැවැති රැස්වීමකදී, ජනාධිපති අනුර කුමාර දිසානායක නාට්යමය රංගනයක් නිර්මාණය කළ අතර, ඔහු තම මේසය මතට අතක් තදකර ගනිමින් පහර දුන්නේය. සෑම කෙනකුම සිතුවේ ඔහු අවසානයේ තම බලය පාවිච්චි කර සහල් සඳහා නීත්යනුකූලව නියම කර ඇති මිල සීමාවට අනුකූල වන ලෙස ඉල්ලා සිටිමින් සහල් මෝල් හිමියන්ට තදබල ලෙස නියෝග කිරීමට සූදානම් වූ බවයි. නමුත් ඔහුගේ නාට්යමය රංගනය අවසන් වූයේ දැඩි කෝපයකින් පමණි. ඔහු සහල් මිල කිලෝවකට රුපියල් 10 කින් වැඩි කළ අතර, ඔවුහු ලෙහෙසියෙන්ම දැවැන්ත මුදලක් සාක්කුවේ දාගත්තෝය.
දේශපාලනිකව සම්බන්ධ මෝල් හිමියන්ට සහල් හිඟයක් ඇති කිරීමට සහ මිල ඉහළ දැමීමට නිදහස ඇති අතර, රජය සහල් ආනයනය කර වී අස්වැන්න නෙළීම ආරම්භ කිරීමට ආසන්නව වෙළෙඳපළ සංතෘප්ත කිරීමට සලස්වයි. එවිට ඔවුන්ට ඉතා අඩු මිලට ගොවියන්ගේ වී මිලදීගත හැකිය. ඉන්පසු ඔවුහු වී ගබඩා කර සහල් මිල වැඩි කරති.
ශ්රී ලංකාවේ රසයට නොගැළපෙන ආනයනික සහල් විශාල තොග රජයේ ගබඩාවල කුණුවී අවසානයේ සත්ව ආහාර ලෙස විකුණනු ලැබේ. පාරිභෝගිකයන්ට සහ ගොවීන්ට සහනයක් පතා යෑමට කිසිවකු නැත. මහාපරිමාණ මෝල් හිමියන් වී සහ සහල් මිල තීරණය කරන්නේ වෙළෙඳපළ තරගකාරී නොවන ලෙස තබාගැනීමෙනි.
බලයට පත්වුවහොත් ඔවුන්ගේ අවශ්යතා ආරක්ෂා කිරීමට පොරොන්දු වෙමින් විපක්ෂයේ ස්වයං ප්රකාශිත ගැලවුම්කරුවන් වී ගොවීන් සහ සහල් පාරිභෝගිකයන් වෙනුවෙන් අතොරක් නැතිව කඳුළු හෙළන නමුත්, මැතිවරණ ව්යාපාර සඳහා නොමසුරුව අරමුදල් සපයන ධනවත් මෝල් හිමියන්ගේ අභිමතයන් සහ මනාපයන් ඉටුකිරීමේ ඉතිහාසයක්ද ඔවුන්ට ඇත. මැතිවරණ මූල්ය නියාමනය සඳහා ක්රියාත්මක වන නීතිවලට ශක්තිමත් දත් නොමැති අතර, දේශපාලනඥයන් සහ ඔවුන්ගේ මූල්යකරුවන් ඒවා හරහා අසු නොවන ලෙස යොදාගනී.
වත්මන් රජයේ මැතිවරණ පොරොන්දුවලින් එකක් වූයේ මහජනතාවගේ ප්රයෝජනය සඳහා ජපන් හැච්බැක් රථ (පසුපස උඩට විවෘත කළ හැකි) රුපියල් මිලියන 2 බැගින් නොමිලේ ලබාදීමයි. නමුත් වාහන මිල ස්තරීභූතයට ගොස් ඇති අතර, යතුරුපැදි සහ ත්රිරෝද රථ පවා ජනයාට ළඟාවිය නොහැකි තරම් ඉහළය.
සහල් මිල ඉහළ යාම නිසා කුසගින්නෙන් පෙළෙන සාමාන්ය ජනතාවට, මෝල්කරුගේ රෝල්ස් රොයිස් රථයේ වයිරල් වන වීඩියෝ නැරඹීමෙන් සෑහීමට පත්වීමට සිදුවී තිබේ.
(දි අයිලන්ඩ් කතුවැකිය 21.01.2026)
(දළ පරිවර්තනයකි)
