ජන සංඛ්යා ලේඛන දෙපාර්තමේන්තුව පවසන ආකාරයට රටේ පාසල් දරුවන්ගෙන් 54%ක් බංකොලොත්භාවයෙන් අධ්යාපනයට බලපෑමක් සිදුව ඇති බවත් පාසල් යන දූ දරුවන්ගෙන් 3%ක් පාසල් යන එක නතර කර ඇති බවත් තවත් විශාල ප්රමාණයකට පාසල් උපකරණ ලබා ගත නොහැකිව දැඩි ලෙස අපහසුතාවයට පත්ව ඇති බවත් විපක්ෂ නායකවරයා පැවසීය.Sri Lanka Latest News
41 ලක්ෂයක් දුදරුවන්ගේ සුබ සාධනය බලා ගන්න බැරි නම් අධ්යාපන අමාත්යාංශයක් ආණ්ඩුවක් අවශ්ය නොවන බවත් ආණ්ඩුවක ප්රමුඛතම කාර්ය විය යුත්තේ දරු පරපුර හා මව් පරපුර ආරක්ෂා කර පුරවැසියන් ආරක්ෂා කර ගැනීම වුවත් වත්මන් රජය එය සිදු නොකරන බවද විපක්ෂ නායකවරයා වැඩිදුරටත් පැවසීය
රජයේ වගකීම වන්නේ අවදානමට ලක් වූ සියලු ජන කොට්ඨාස ආවරණය වන සේ සමාජ ආරක්ෂණ දැලක් සකස් කර ඔවුන්ව රැක බලා ගත යුතු වුවත් වත්මන් රජය තුළ එවැන්නක් සිදු නොවන බවත් මේ රටට අවශ්ය ජනතාව ගැන සංවේදී පාලනයක් බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ (15) සක්වල සුහුරු පන්ති කාමර වැඩසටහනේ 98 වැනි අදියර යටතේ රත්නපුර පැල්මඩුල්ල බඹරබොටුව විජයබා මහා විද්යාලයට රුපියල් ලක්ෂ 10ක් වටිනා සුහුරු පන්ති කාමර උපකරණ ලබා දීමේ අවස්ථාවට එක්වෙමිනි
සුරංගනා කතා කියන අයට වඩා වැඩ කළ හැකි කෙනෙක්ට බලය දෙන්න
බංකොලොත් රටේ වැඩ කල හැක්කේ් කාටද කියා ජනතාව තීරණය කළ යුතු බවත් වැඩක් කළ හැක්කේ කවුද කියා පක්ෂ පාට භේදයකින් තොරව සොයා බැලිය යුතු බවත් වැඩක් කර ඔප්පු කළ හැකි අයකු සොයා ගත යුතු බවත් විපක්ෂ නායකවරයා පැවසීය.
බලයක් නොමැතිව ජනතාව වෙනුවෙන් සේවය කරන්නේ කවුද සහ රට වටේ ගොස් කයිවාරු ගහන්නේ කවුද කියා ජනතාව බුද්ධිමත්ව සිතා බැලිය යුතු බවත් විපක්ෂ නායකවරයා වැඩිදුරටත් පැවසීය.
සමගි ජන බලවේගය විසින් ක්රියාත්මක කරන හුස්ම වැඩසටහන යටතේ මේ වන විට රෝහල් 56කට රුපියල් ලක්ෂ 1719ක් වටිනා ඖෂධ සහ රෝහල් උපකරණත්, සක්වල බස් රථ වැඩසටහන යටතේ පාසල් 80 ක් සඳහා රුපියල් ලක්ෂ 50ක් වටිනා බස් රථ 80ක් ලබා දී ඇති අතර ඒ සඳහා රුපියල් ලක්ෂ 3892ක් ද සක්වල තොරතුරු තාක්ෂණ වැඩසටහන යටතේ පාසල් 98ක් සඳහා සුහුරු පන්ති කාමර උපකරණ ලබා දී ඇති අතර ඒ සඳහා රුපියල් ලක්ෂ 966ක් වැය කර තිබේ.
