එක්සත් ජාතික පක්ෂයට හිමිවූ එකම ජාතික ලයිස්තු මන්ත්රී ධුරය සදහා පක්ෂ නායක රනිල් වික්රමසිංහ මහතා නම් කිරීමට අද සවස රැස්වූ කෘත්යාධිකාරී මණ්ඩල සාමාජිකයන් පිරිසක් තීරණය කර ඇත.
මෙම රැස්වීම මුලින් පස්වරු 1ට සිරිකොත මූලස්ථානයට කැදවා තිබුණද පසුව එය පස්වරු 4 දක්වා කැල්තැබීමට පියවර ගෙන තිබිණ.
මෙම කෘත්යාධිකාරී මණ්ඩල රැස්වීමට බස්නාහිර පළාතේ සාමාජිකයන්ට පමණක් ආරාධනා කර තිබීම විශේෂ සිදුවීමකි.
මීට අමතරව බස්නාහිර පළාතෙන් පිට කිහිප දෙනකුට පමණක් ආරාධනා කර තිබූ බවක්ද දැකගත හැකි විය.
මේ සියලු දෙනාටම පක්ෂය මගින් විශේෂ අවසර පත්රයක් නිකුත් කර තිබීම විශේෂිතය.
ඒ අනුව සවස 4ට ආරම්භ වූ රැස්වීමේදී වජිර අබේවර්ධන විසින් ජාතික ලයිස්තු මන්ත්රී ධූරය සදහා වික්රමසිංහ මහතාගේ නම යෝජනා කර ඇති අතර ආනන්ද කුලරත්න විසින් එය ස්ථිර කොට ඇති බව වාර්තා වේ.
එහෙත් වික්රමසිංහ මහතා දිවුරුම් දෙන දිනයක් සම්බන්ධයෙන් මෙතෙක් තීන්දුවක් ගෙන නොමැති බව දැනගන්නට ඇත.
