ජාතික ජන බලවේගයේ පාර්ලිමේන්තු මන්ත්රී අශෝක රන්වල මහතා ගමන්ගත් මෝටර් රථය තවත් මෝටර් රථයක ගැටී අනතුරට ලක්වීමේ සිද්ධිය සම්බන්ධයෙන් ආචාර්ය නිර්මාල් රංජිත් දේවසිරි මහතා මාධ්ය වෙත මෙලෙස අදහස් දක්වා තිබුණා.Sri Lanka Latest News
‘අශෝක රන්වල පිළිබඳ සිද්ධිය, කලිනුත් ඒ වගේ අවස්ථාවක් වුණා. මේකේ මේ තනි සිද්ධිය දැන් සාමාන්යයෙන් මේ වගේ දෙයක්, පළමුවැනි එක රිය අනතුරු වෙන්න පුළුවන්. රිය අනතුරු වෙන්න පුළුවන්. ප්රශ්නේ තියෙන්නේ මේ රිය අනතුර වෙච්ච අවස්ථාවේදී ඒ නීතිය සාමාන්ය පුද්ගලයකුට සාමාන්ය තත්ත්වයක් යටතේ වෙන විදිහට වෙලා තිබුණද? මම දැක්කා මේ පිළිබඳ අර පොලිස් ප්රකාශය තුළ තියෙනවා ටිකක් ඔහු බීමත්ව සිටියද නැද්ද? මං හිතන්නේ මේවා විනිවිදභාවයකින් මහජනයා තුළ විශ්වාසයක් ඇතිවෙන පරිදි කටයුතු කිරීම තමයි ප්රශ්නේ.
විශේෂයෙන්ම මේක සංවේදී කාරණයක්. මේක වෙන කෙනකුට වඩා අශෝක රන්වල ආණ්ඩුවේ මන්ත්රීවරයෙක් වීමත්, ඒ වගේම ඔහුගේ ආචාර්ය උපාධිය පිළිබඳ ඒ විශ්වසනීයභාවය පිළිබඳ ප්රශ්නයක්. ඔහු මේ පිළිබඳ අවධානයට ලක්වූ පුද්ගලයෙක් නිසා කතානායක ධුරයෙනුත් අස්වෙන්න සිද්ධ වුණා.
මේ නිසා මේ සම්බන්ධයෙන් නීතිය ක්රියාත්මක කිරීම කියන එක හුදෙක් පොලිසිය පිළිබඳ ප්රශ්නයක් නෙමෙයි, මේක ආණ්ඩුවේ කීර්තිය පිළිබඳ ප්රශ්නයක්. ඒක නිසා මං හිතන්නේ මේක අර කොලේ වහලා ගහලා කරලා හරියන්නේ නැහැ. නීතිය ක්රියාත්මක වීම පමණක් ප්රමාණවත් නැහැ. නීතිය නිසි පරිදි ක්රියාත්මක වෙනවා කියන එක බොහොම පාරදෘශ්ය ආකාරයට පේන්න තියෙන්න ඕනේ.
අනිවාර්යයෙන්ම ආණ්ඩුවේ මේ කීර්තිය පිළිබඳ, ආණ්ඩුවේ කීර්තිනාමය පිළිබඳ ප්රශ්නයක්. ඇත්ත වශයෙන්ම මෙතැනදි පරදුවට තබලා තිබෙන්නේ ආණ්ඩුවේ කීර්තිනාමය. ඒක මං හිතන්නේ ඉතාම පැහැදිලියි. මේවා පිළිබඳ විවිධ තොරතුරු සමාජයට යනවනේ. ඒක නිසා මේවා හංගන්න බැහැ.
මේක නිකන් අර පැස්බර න්යාය අනුගමනය කරලා හරියන්නේ නැහැ. පැස්බර න්යාය කියලා කියන්නේ අපි අපේම ඔළුව වැල්ලේ ගහගත්තා කියලා හරියන්නේ නැහැ, ලෝකෙම බලාගෙන ඉන්නවා මේවා දිහා. ඒ නිසා මහජනයාගේ විශ්වාසය ආරක්ෂා වෙන ක්රියාශීලී විදිහට කටයුතු කිරීම පොලිසියේ පමණක් නෙමෙයි ඒක ආණ්ඩුවේ වගකීමක්. ඒක දේශපාලන බලධාරීන්ගේ වගකීමක්. ඒ වගකීම තාක්ෂණික කාරණා පිටිපස්සේ හැංගිලා පැත්තකට කිරීමට ආණ්ඩුවට හැකියාවක් නැහැ මං හිතන විදිහට.’
ජගත් පෙරේරා
