වහාම ක්රියාත්මක වන පරිදි සිය ‘න්යෂ්ටික අවි බලඝනය’ සීරුවෙන් තබන ලෙස රුසියානු ජනාධිපති ව්ලැඩිමීර් පුටින් මීට ටික වේලාවකට පෙර සිය හමුදාවන්ට නියෝගකොට තිබේ.
එය රුසියානු මිසයිල බලකායන් වෙත නිකුත් කර ඇති ඉහළම අනතුරු ඇඟවීමේ මට්ටම ලෙස සැලකේ.
කෙසේ වෙතත් මෙය නේටෝ රටවල් විසින් යුක්රේන ආක්රමණයට සක්රීයව මැදිහත් වීමට ප්රතිචාර ලෙස සිදුකරන අනතුරු ඇඟවීමක් බවයි සඳහන් වෙන්නේ.
රුසියානු ජනාධිපතිවරයා ආක්රමණයට පෙරද සිය න්යෂ්ටික බලය භාවිතා කිරීම ගැන අනතුරු අඟවා තිබුනි.
කෙසේ වෙතත් මෙම නියෝගය එම ආයුධ භාවිතා කිරීමේ චේතනාවෙන්ම නොව බටහිරට අනතුරු ඇඟවීමක් ලෙස සිදුකර ඇති බවයි විදෙස් මාධ්ය වාර්තා කරන්නේ.
මින් පෙර වතාවකද රුසියානු ජනාධිපතිවරයා නේටෝවට අනතුරු අඟවමින් ප්රකාශ කලේ “අපිට බාදා කිරීමට කිසිවෙකු හෝ උත්සාහ කලහොත් ඔවුන්ට ඉතිහාසයේ කිසිම දිනක නොවිඳි ප්රතිවිපාක වලට මුහුණ දීමට සිදුවන බවයි”
තනි රටක් සතුව ඇති ලෝකයේ විශාලතම න්යෂ්ටික අවි තොගය රුසියාව සතුව ඇතැයි විශ්වාස කෙරේ.
කෙසේ වෙතත් රුසියාව න්යෂ්ටික අවි භාවිතා කලහොත් ඔවුන් විනාශ කර දැමීමට තරම් න්යෂ්ටික අවි බලයක් නේටෝව සතුව පවතින බව නේටෝව ප්රකාශ කර ඇත.
කෙසේ වෙතත් නේටෝව විශ්වාස කරන්නේ රුසියානු ජනාධිපතිවරයාගේ මෙම නියෝගයේ අරමුණ ඔහු කොතරම් දුරක් යෑමට සූදානම් බව පෙන්වීම සහ යුක්රේනය සඳහා නේටෝ සහාය වැලැක්වීම බවයි.
තිලාන් ජයසේකර බ්රිතාන්යයේ ලන්ඩන් නුවර සිට
