වැලිකඩ බන්ධනාගාරයේ මේ වනවිට සිරකරුවන් 50ක් පමණ කලහකාරී ලෙස හැසිරෙමින් සිටින බව වාර්තා වේ.
කලහකාරීන් අතර සිටින බොහෝ දෙනා මරණ දණ්ඩනයට හෝ ජීවිතාන්තය දක්වා සිරදඬුවම් නියම වූවන් බව දැනගන්නට ඇත.
මේ වන විට තත්ත්වය පාලනය කිරීමට බන්ධනාගාර නියාමකවරුන් ද කැඳවා ඇති අතර සිද්ධිය කලහකාරී තත්ත්වයක් දක්වා වර්ධනය වී තිබේ.
මේ වන විට ඔවුන් වැලිකඩ බන්ධනාගාර සංකීර්ණය තුළ විශාල විනාශයක් සිදු කරමින් සිටින බවත්, බැටන් පොලු සහ වෙනත් සංරක්ෂිත උපකරණ සමඟ බන්ධනාගාර ආරක්ෂකයින් කැඳවා ඇති බවත් ආරංචි මාර්ග සඳහන් කළේය.
දුමින්ද සිල්වා වැන්නන් වසර 5ක් පමණක් සිරදඬුවම් විඳ ඇති බවත්, ඇතැම් රැඳවියන් වසර 15කට අධික කාලයක් සිරකර තබා ඇති බවත් සඳහන් කරන සිරකරුවන් මේ සම්බන්ධයෙන් කඩිනමින් මැදිහත් වන ලෙස ජනාධිපති ගෝඨාභය රාජපක්ෂ මහතාගෙන් ඉල්ලා සිටිති.
