ජනාධිපති අනුර කුමාර දිසානායක සැප්තැම්බර් මාසයේදී විදේශ සංචාර දෙකක් සිදු කරන අතර ඉන් පළමුවැන්න වන්නේ නිව්යෝර්ක්හි පැවැත්වෙන එක්සත් ජාතීන්ගේ මහා මණ්ඩල සැසිවාරයට සහභාගී වීම සඳහා අමෙරිකාව බලා පිටත්ව යාමය. Sri Lanka Latest News
ඉන් අනතුරුව ජපානයේ සංචාරයක නිරත වීමටද ජනාධිපතිවරයා සැලසුම් කොට ඇති බව මාධ්ය වාර්තා කොට තිබේ.
ජනාධිපතිවරයා සැප්තැම්බර් 23 වන දින ඇමරිකා එක්සත් ජනපදය බලා පිටත්ව යන අතර 24 වන දින එක්සත් ජාතීන්ගේ මහා මණ්ඩල සැසිවාරය ඇමතීමට නියමිත බව විදේශ අමාත්ය විජිත හේරත් මහතා පැවසීය.
එක්සත් ජාතීන්ගේ මහා මණ්ඩල සැසිවාරය අමතමින් ජනාධිපතිවරයා විදේශ ප්රතිපත්තිය ඇතුළු තම රජයේ ප්රතිපත්ති ගෙනහැර දක්වනු ඇත.
ජනාධිපතිවරයා මහා මණ්ඩල සැසිවාරයට සමගාමීව තවත් ලෝක නායකයින් කිහිප දෙනෙකු ද හමුවනු ඇති බව හේරත් මහතා පැවසීය.
නිව්යෝර්ක් සිට ජනාධිපතිවරයා සැප්තැම්බර් 27 වන දින ජපානයේ ඔසාකා වෙත යන අතර එහිදී ඔහු එක්ස්පෝ 2025 ප්රදර්ශනය සඳහා සහභාගී වනු ඇත. සංස්කෘතිය, සංචාරක ව්යාපාරය, වෙළඳාම සහ ආයෝජන ක්ෂේත්රයේ රටේ අද්විතීය දීමනා ප්රදර්ශනය කෙරෙන එක්ස්පෝ හි ශ්රී ලංකා දිනයට ජනාධිපතිවරයා සහභාගී වීමට නියමිතය.
මෙයින් පසු සැප්තැම්බර් 28 වන දින ජපාන අගමැති ෂිගේරු ඉෂිබාගේ ආරාධනයෙන් ජපානයේ නිලකටයුතු ආරම්භ වනු ඇත. ජනාධිපති දිසානායක සැප්තැම්බර් 29 වන දින අගමැති ඉෂිබා සමඟ සාකච්ඡා පවත්වන අතර 30 වන දින ජපාන අධිරාජ්යයා වන නරුහිතෝ මහතා හමුවනු ඇත.
ටෝකියෝවේ පැවැත්වෙන සාකච්ඡාවලදී ජපානයේ ශ්රී ලාංකිකයින්ට වැඩි රැකියා අවස්ථා ලබා ගැනීම සහ ආර්ථික සබඳතා වැඩි දියුණු කිරීම කෙරෙහි අවධානය යොමු කෙරෙනු ඇතැයි අමාත්ය හේරත් මහතා පැවසීය.
ශ්රී ලංකාවේ වාහන එකලස් කිරීමේ කම්හලක් පිහිටුවීමට රජය යෝජනා කරන බව අමාත්යවරයා පැවසීය.
ජනාධිපතිවරයා ජපානයේ සිටින ශ්රී ලාංකික ප්රජාවේ සාමාජිකයින් ද හමුවනු ඇත.
