නීතිපති තනතුර සහ නීතිපති දෙපාර්තමේන්තුව වසර 140කට වැඩි පැරණි අපරාධ සදහා යුක්තිය පසිදලීමට වැදගත් ආයතනයක් සහ තනතුරක් වන අතර මෙම කාර්යය නීතියේ ආධිපත්ය අනුව ඉටු කිරිමට නම් එහි ස්වාධිනත්වය සහ ස්වාධිපත්ය ආරක්ෂා විය යුතු බවත් මෙහි දී නිත්යානුකූල රාමුව තුළ සැම විටම කරුණු සහගතව කටයුතු කළ යුතු බවත් නීතියෙන් ලබා දී ඇති අභිමානය භාවිත කළ යුත්තේ ව්යවස්ථානුකූලව සහ නීතියේ ආධිපත්යයට අනුව බවත් විපක්ෂ නායකවරයා පැවසීය.Sri Lanka Latest News
නීතිපතිවරයාට සුවිශේෂී ව්යවස්ථාමය තත්ත්වයක් ඇති නිසා ඔහුට කාගේහෝ ගැත්තකු විය නොහැකි බැවින් නීතිපති ධුරය ස්වාධින ධුරයක් විය යුතු බවත් නීතිපතිවරයාට අර්ධ අධිකරණ බලයක් ඇති බවත් නඩු පැවරීම සහ ඉල්ලා අස් කර ගැනීම ගැන අපක්ෂපාතී තීරණ ගත හැකි විය යුතු බවත් ආණ්ඩුක්රම ව්යවස්ථාවේ 41 ඈ ව්යවස්ථාව අනුව ජනාධිපතිවරයා විසින් ආණ්ඩුක්රම ව්යවස්ථා සභාවට කරන ලද නිර්දේශයක් සභාව අනුමත කිරීමෙන් පසුව පමණක් නිතිපතිවරයා පත් කරන්නේද කියා ඉදිරිපත් කරන ලෙසත් මෙය විධායකය සතු තනි බලයක් නොවන බවත් විපක්ෂ නායකවරයා පැවසීය.
ඒ අනුව නිතිපතිවරයාගේ ස්වාධිනත්වයේ පාරිශුද්ධත්වය ආණ්ඩුක්රම ව්යවස්ථාව මගින් සහතික කර ආරක්ෂා කර තිබිය යුතු බවත් නිතියේ ආධිපත්ය සුරක්ෂා වන ආකාරයට ස්වාධීනව විශේෂඥ දැනුම මත නීතිපතිවරයාට ක්රියාත්මක වීමට අවශ්ය පසුබිම රජය විසින් සලසා ඇත් ද කියා දැන ගැනීමට අවශ්ය බවත් මේ කරුණු කාරණා තුළ නීතිපතිවරයාට කටයුතු කරන්න නිදහස් පරිසරය ලබා දී ඇත් ද කියා දැන ගැනීමට අවශ්ය බවත් විපක්ෂ නායකවරයා පැවසීය.
2002 අංක 5 දරන නිලධරයන් ඉවත් කිරීමේ කාර්ය පටිපාටි පනයේ 3 වැනි වගන්තිය අනුව පොලිස්පති හා නීතිපති ධුර දරන්නන් අනිසි චෝදනාවලට ලක්වීම වැළැක්වීමට රජය ගෙන ඇති පියවර ඉදිරිපත් කරන ලෙසත් පසුගිය කාලයේ හිටපු පොලිස්පතිවරයාගේ අක්රමිකතා ගැන විපක්ෂය පවා කතා කළ බවත් එදා තිබුණු පොලිස් රාජ්ය පරාජය කළ නිසා නැවත පොලිස් රාජ්යයක් ඇති වීමට ඉඩ දිය නොහැකි බවත් නිතිපතිවරයාට අනිසි බලපෑම්වලින් තොරව නිවැරදිව ස්වාධිනව කටයුතු කරන්න අවස්ථාව දිය යුතු බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේදී නිතිපතිවරයාගේ කාර්යට බලපෑම් සිදු කිරීම සම්බන්ධයෙන් ස්ථාවර නියෝග 27 (2) යටතේ ප්රශ්න කරමිනි.
නීතිපතිවරයාගේ රාජකාරි ඉලක්ක කර ගෙන සෘජුව හා වක්රව සංවිධානාත්මක ලෙස චෝදනා රැල්ලක් නැගී ඇති නිසා ඒ සම්බන්ධයෙන් රජයේ ස්ථාවරය ඉදිරිපත් කරන ලෙසත් නීතිපතිවරයාගේ ස්වාධිනත්වය ආරක්ෂා වන පරිදි මේ සංවිධානාත්මක චෝදනා නැවැත්වීමට ගන්නා ක්රියාමාර්ග ඉදිරිපත් කරන ලෙසත් භාෂණයේ නිදහස ඇති රටක් ලෙස අප රට තුළ වැරදි චෝදනා ඉදිරිපත් වීම වැළැක්වීමට කටයුතු කළ යුතු බවත් අඩුපාඩු ඇත්නම් නිවැරදි නිතිමය ක්රියාමාර්ග ගත යුතු බවත් විපක්ෂ නායකවරයා පැවසීය.
නීතිපතිවරයාගේ ස්වාධිනත්වය තීන්දු තීරණ ගැනීම වෙනුවෙන් පෙනී සිටින අයට පවා දැන් පහර පිට පහර ලබා දෙන බවත් වෙබ් අඩවි හරහා මේ පහර ගැසීම් සිදු කරන බවත් මෙසේ අධිකරණ ඇමතිවරයාට සහ නීතිපතිවරයාට චෝදනා කරන වෙබ් අඩවි සම්බන්ධයෙන් සොයා බැලිය යුතු බවත් විපක්ෂ නායකවරයා පැවසීය.
