අද රටේ ලොකුම මාතෘකාව බවට අධ්යාපනය පත්වී ඇති බවත් අධ්යාපනය රටේ ලොකුම මාතෘකාව විය යුත්තේ හොඳ තීන්දු තීරණ ගැනීමට අදාලව බවත් අද මේ මොහොත වන විට අධ්යාපන ක්ෂේත්රයේ බරපතල අඩුපාඩුකම් ඌනතා නිර්මාණය වී විෂමාචාරී තැනට අධ්යාපනය පත් වී අධ්යාපනය තුළට අසභ්යකරණය එක් වී ඇති බවත් විපක්ෂ නායකවරයා පැවසීය.Sri Lanka Latest News
මේ අවස්ථාවේ වැදගත් වන්නේ අධ්යාපන අමාත්යවරියගේ හෝ අගමැතිනියගේ පෞද්ගලික රුචි අරුචිකම් හෝ හැසිරීම් හෝ පෞද්ගලික තීන්දු නොවන බවත් ලක්ෂ 220 ජනතාවගේ පුද්ගලිකත්වය අනික් අයට අදාළ නැති වුවත් අද ඒවා ඉස්මතු කර අධ්යාපනයේ ඇති වැදගත් ගැටලුව යටපත් කර ඇති බවත් එම නිසා කරුණාකර පුද්ගලික රුචි අරුචිකම් ගැන කතා නොකළ යුතු බවත් විපක්ෂ නායක සජිත් ප්රේමදාස මහතා පැවසීය .
මේ ප්රතිසංස්කරණ තුළ විධිමත් සාකච්ඡාවක් සිදු නොකර power point presentation එකක් පමණක් සිදු කර ක්රියාත්මක කර බරපතල ලෙස අසභ්යකරණයට ලක් වූ අධ්යාපන ප්රතිසංස්කරණ තුළ 41 ලක්ෂයක් දුදරුවන්ගේ මනස විකෘති කරන දූෂණය කරන තැනට නිර්මාණය කර ඇති බවත් ඒ සම්බන්ධයෙන් විපක්ෂයක් ලෙස සමගි ජන බලවේගයට විවේචනය ඇති බවත් ප්රතිසංස්කරණ සිදුවිය යුත්තේ ඉංග්රීසි භාෂා අධ්යාපනය STEAM අධ්යාපනය ආශ්රිතව මෙන්ම ඉතිහාසය ඇතුළත් සමබර ක්රමවේදයක් හරහා බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ සමගි ජන බලවේගය විසින් ක්රියාත්මක හුස්ම වැඩසටහන යටතේ කොලොන්න මැතිවරණ කොට්ඨාසයේ කොලොන්න මූලික රෝහලට Patient Monitor 5ක්, Syringe Pump 1 ක් සහ Infusion Pump 1 ලබා දීමේ අවස්ථාවට එක්වෙමිනි.
මේ විකෘතියට වගකිව යුතු අය පෙන්වා දිය යුතු බවත් වගකීම මෙන්ම වගවීම ගැන කතා කළ යුතු වුවත් මේ අවස්ථාවේ පුද්ගලික ජීවිත කේන්ද්ර කර ගෙන අසභ්ය දේවල් කතා කරන අය සිටින බවත් මේ අසභ්ය දේවල් කතා කර මේ ප්රතිසංස්කරණ වෙනත් පැත්තකට ගෙන යාම නතර කළ යුතු බවත් අධ්යාපන ප්රතිසංස්කරණ හරහා විශාල කුමන්ත්රණයක් සිදුව ඇති නිසා මේ සම්බන්ධයෙන් අධ්යාපන අමාත්යවරිය ප්රමුඛ රජය වගකිව යුතු බවත් විපක්ෂ නායකවරයා වැඩිදුරටත් පැවසීය.
නිදහස් අධ්යාපනය ලබන 41 ලක්ෂයක් දූදරුවන් විකෘති කරන්න නිදහස් අධ්යාපනය අසභ්යකරනයට වගකිව යුතු අය කවුද කියා හෙළිදරව් කළ යුතු බවත් මේවට විධිමත් උත්තර ලබා දිය යුතු බවත් නිලධාරීන්ගේ කරපිට වරද පටවා රජයට බේරීමට නොහැකි බවත් මේ විකෘතියට සැබැ ලෙස වගකිව යුතු අය හෙලිදරව් කළ යුතු බවත් විපක්ෂ නායකවරයා වැඩිදුරටත් පැවසීය.
එසේම මිනිසා ජීවත් කරවීම අරමුණු කර ගෙන හුස්ම වැඩසටහන ක්රියාත්මක කරන බවත් මෙහි ගරුත්වය සෑම සියලු දෙනාටම හිමිවිය යුතු බවත් විපක්ෂ නායකවරයා මෙහිදී පැවසීය.
