අද රට වෙනුවෙන් සිටින්නේ මන්ත්රීවරුන් 65 දෙනකු පමණක් බවත්, මන්ත්රීවරුන් 148ක් ඉන්නේ රාජපක්ෂවරුන් ආරක්ෂා කිරීමට බවත් දෙමළ ජාතික සන්ධානයේ පාර්ලිමේන්තු මන්ත්රී ශානක්යයන් රාසමාණික්කම් මහතා පැවසීය.
ඒ මහතා පෙන්වා දුන්නේ මේ නාට්ටිකාරයන්, හොරු සමග මොන විශ්වාසභංග රැගෙන ආවද ඔවුන් රාජපක්ෂලා ආරක්ෂා කිරීම සදහා ජන්දය ලබා දෙන බවකි.
රනිල් වික්රමසිංහ මහතා අද දිනයේදී සියඹලාපිටිය මහතාට ජන්දය දෙන ලෙසට මන්ත්රීවරුන්ගෙන් ඉල්ලා සිටි බවද ඒ මහතා කීය.
රාසමාණික්කම් මහතා කළ මෙම හෙළිදරව්ව අප අද පෙරවරුවේ මව්රට වෙබ් අඩවිය ඔස්සේ පළකිරීමට පියවර ගත්තේ මෙසේය.
රටම දන්න විපක්ෂයේ කෙනෙක් ආණ්ඩුවේ අපේක්ෂකයාට ජන්දෙ දෙන්න කියා සුමන්තිරන්ගෙන් හොඳ දෙකක් අහගනී!
විපක්ෂයේ අසුන් ගෙන සිටින රටම දන්නා කියන ජ්යෙෂ්ඨ දේශපාලඥයකු අද දිනයේ ආණ්ඩුව විසින් නියෝජ්ය කතානායක ධූරය සදහා නම් කළ රංජිත් සියඹලාපිටිය මහතා හට ජන්දය ලබා දෙන ලෙස කියමින් පාර්ලිමේන්තු ලොබියේ ප්රචාරක මෙහෙයුමක් ආරම්භ කොට ඇති බව වාර්තා වේ.
ඒ අනුව විපක්ෂයේ දේශපාලඥයන් හමුවී ඇති ඒ මහතා සියඹලාපිටිය මහතා හට ජන්දය ලබා දෙන ලෙසට ඉල්ලීම් කරද්දී ඇතැම් මන්ත්රීවරුන් එය ප්රතික්ෂේප කොට ඇති බව දැනගන්නට ඇත.
විශේෂයෙන් දෙමළ ජාතික සන්ධනයේ පාර්ලිමේන්තු මන්ත්රී එම්. ඒ. සුමන්තිරන් මහතා මෙම ජ්යෙෂ්ඨයාගේ මුහුණටම බැන වදිමින් තමන්ට විපක්ෂයේ අපේක්ෂකයාට ජන්දය භාවිත කළ යුතු බවත්, මේ ආකාරයට කටයුතු නොකරන ලෙස කියමින් ඔහුට ඉංග්රීසි භාෂාවෙන් බැන වැදී ඇති බව වාර්තා වේ.
මෙම දේශපාලඥයා අතීතයේ සිටම රාජපක්ෂවරුන් සමග දේශපාලන ඩීල් ඇත්තකු බව ක්ෂේත්රයේ ප්රසිද්ධ රහසකි.
