පාරිසරික අතින් අතිශය සංවේදී කලාපයක් වන නුවරඑළිය නගරයේ මධ්යභාගයේ පිහිටි ඓතිහාසික ගොල්ෆ් ක්රීඩා පරිශ්රයේ සිදුවෙමින් පවතින මහා පරිමාණ පරිසර විනාශයක්පි ළිබඳව වගකිවයුත්තන් දක්වන උදාසීන පිළිවෙත හේතුවෙන් ප්රදේශවාසීහූ මෙන්ම පරිසරවේදීහූ ද දැඩි කනස්සල්ලට පත්ව සිටිති. මෙරට පවත්නා දැඩි පාරිසරික නීති රීති මෙන්ම තුරුලතා ආරක්ෂා කිරීමේ පනතේ සියලු ප්රතිපාදන මුළුමනින්ම උල්ලංඝනය කරමින්, වසර සිය ගණනක් පැරණි වටිනා ශාක පද්ධතියක් ඉලක්ක කර ගනිමින් මෙම දරුණු විනාශය දියත් කර ඇති බව වාර්තා වේ. සොබාදහමේ අසිරිය විනාශ කරමින් සිදුකෙරෙන මෙම සංවිධානාත්මක අපරාධය පිටුපස බලගතු හස්තයන් පවතින බවට ද සැක මතු වී තිබේ. Sri Lanka Latest News
නුවරඑළිය නගර සභාවට සහ දිස්ත්රික් ලේකම්වරයා හරහා රජයට අයත් ඉඩමක පිහිටා තිබෙන ප්රසිද්ධ නුවරඑළිය ගොල්ෆ් සමාජ (Golf Club) ක්රීඩා පිටිය තුළ ඇති වසර සිය ගණන් පැරණි විශාල ගස් කැපීම සහ මහා පරිමාණයේ ගස් 52 ක පොතු ගලවා ඒවා ක්රමයෙන් මැරී යාමට සැලැස්වීම මෙලෙස අපරාධයක් ලෙස කරළියට පැමිණ ඇත. මෙම අභාග්යසම්පන්න තත්ත්වයට එරෙහිව ප්රසිද්ධ පරිසරවේදියෙකු වන තිස්ස සෙනෙවිරත්න මහතා විසින් නුවරඑළිය පොලීසිය වෙත නිල වශයෙන් පැමිණිල්ලක් ද ඉදිරිපත් කර තිබේ. කෙසේ වෙතත්, මේ සා විශාල ජාතික ඛේදවාචකයක් සිදුව තිබියදීත්, ඒ පිළිබඳව නිසියාකාර සහ අපක්ෂපාතී විමර්ශනයක් සිදු කිරීමට බලධාරීන් අසමත් වී ඇති බවට චෝදනා එල්ල වේ.
මෙවැනි මහා පරිමාණ පරිසර හානියක් සුළු කොට තැකීමට පොලීසිය කටයුතු කර ඇති බව පෙනී යන්නේ, ඔවුන් විසින් 2024 නොවැම්බර් 29 වන දින අධිකරණය වෙත ඉදිරිපත් කළ බී/2312/24 දරන නඩු වාර්තාව මඟින් මෙය හුදු ‘සුළු අනර්ථයක්’ පමණක් ලෙස දක්වා තිබීම හේතුවෙනි. මෙරට අනාගත පරපුර වෙනුවෙන් සුරැකිය යුතු හරිත පද්ධතීන් පටු පරමාර්ථ වෙනුවෙන් මෙලෙස විනාශ කර දමද්දී, නීතිය ක්රියාත්මක කරන ආයතන නිහඬ පිළිවෙතක් අනුගමනය කිරීම සමස්ත සමාජයේම දැඩි දෝෂදර්ශනයට ලක්විය යුතු කරුණකි. සොබාදහමේ නීතිය උල්ලංඝනය කරමින් ස්වභාවධර්මයට මරු පහර දෙන මෙවැනි අපරාධකරුවන්ට එරෙහිව තරාතිරම නොබලා දැඩි දඬුවම් පැමිණවිය යුත්තේ රටේ හෙට දවස වෙනුවෙනි.
