ආර්.එෆ්.එම්.සුහෙල් – නුවරඑළිය
සභාවේ සිංහලෙන් හා දමිළ බසින් කතා කරන සියල්ල හා වාර්තා සියල්ල දමිළ බසින් හා සිංහල බසින් පරිවර්තන අවශ්ය බව පවසා ආ යෝජනාවට අදහස් දැක්වීමේදී සභාවේ නොසන්සුතාවයක් ඇති විය ,Sri Lanka Latest News
ඒ නෝර්වුඩ් ප්රාදේශීය සභාවේ තුන්වන සැසිවාරය අද (11) පෙ.ව. 10.00 ට නෝර්වුඩ් ප්රාදේශීය සභා සභාපති ෆ්රැන්සිස් හෙලන්ගේ ප්රධානත්වයෙන් ආරම්භ වූ අවස්තාවේදීය ,
ඇල්ල, වැල්ලවාය ප්රධාන මාර්ගයේ රාවණා ඇල්ල ප්රදේශයේ සිදු වූ වාහන අනතුරින් මියගිය නිලධාරීන් 15 දෙනාට ඉක්මන් සුවය ප්රාර්ථනා කිරීමට සහ අනතුරින් තුවාල ලැබූ 17 දෙනාට ඉක්මන් සුවය ප්රාර්ථනා කිරීම සභාව ආරම්භයේ සිදු කෙරිණ ,
ශ්රී ලංකා කම්කරු කොංග්රසයේ සාමාජිකයින් අද රැස්වීම සඳහා ප්රමාද වී පැමිණි බව ද නිරීක්ෂණය විය.
මෙයින් පසු සභාවේ සභාපතිවරයා විසින් කියවන ලද පෙර රැස්වීමේ වාර්තාවේ අඩුපාඩු කිහිපයක් සභාවේ සාමාජිකයින් විසින් පෙන්වා දෙන ලදී.
සභාව තුළ කියවන සෑම ලිපියක්ම එය දෙමළ හෝ සිංහල භාෂාවෙන් කියවනු ලැබුවද, භාෂා දෙකටම පරිවර්තනය කළ යුතු බවට වාදයක් ඇති වූ විට ලංකා කම්කරු කොංග්රස් මන්ත්රී රවී කුලන්දයිවේක් සහ එක්සත් ජනතා සන්ධානයේ සාමාජිකයෙකු වන සභා උප සභාපති සිවකුමාර් අතර සභාව තුළ උණුසුම් තත්වයක් ඇති විය.
ජාතික ජන බලවේගයේ සාමාජික විජේසිංහ අරසයිකේ ජනන, බන්දුසේන සහ කාලිමුත්තු වසන්තන් අතර ද සිදුවූ ව්චන හුවමාරුවෙන් විනාඩි 15 ක් පමණ සභාව තුළ ඝෝෂාකාරී තත්වයක් ඇති විය.
සභාව නිසි ලෙස පැවැත්විය යුතු බව ඉල්ලා සිටිමින් සභා සභාපති හෙලන් ෆ්රැන්සිස් සභාවේ ආරක්ෂාව සඳහා පොලිසිය යොදවන ලෙස නෝර්වුඩ් ප්රාදේශීය සභාවේ ලේකම්වරයාට නියෝග කළාය.
මෙම අවස්ථාවේදී මන්ත්රී රවී කුලන්දයිවේක් ප්රකාශ කළේ අපි සභාව තුළ එකට වැඩ කළ යුතු බවත් මෙහි පක්ෂ වෙනස්කම් කිසිවෙකු නොදැකිය යුතු බවත්ය.
මෙම තත්වය හමුවේ සභාව කල් තැබීමට යෝජනා විය .
