ආණ්ඩුකාරවරයා වශයෙන් තමා ගත් තීරණයකට එරෙහිවීමට හෝ පක්ෂ සභාපති ධුරයෙන් ඉවත්කිරීමට ශ්රී ලංකා කොමියුනිස්ට් පක්ෂයට කිසිදු හැකියාවක් නොමැති බව වයඹ පළාත් ආණ්ඩුකාර රාජා කොල්ලුරේ මහතා පවසයි.
එම පක්ෂයේ සභාපති ධුරයෙන් තමාව ඉවත් කිරීම සම්බන්ධයෙන් ප්රතිචාර දක්වමින් ඔහු මේ බව සඳහන් කළේය.
“මා ආණ්ඩුකාරවරයා වශයෙන් යම්කිසි පියවරක් ගත්තා නම් ඊට අදාළව කොමියුනිස්ට් පක්ෂයට කිසිම බලයක් නෑ විනයානුකූලව පියවරක් ගන්න. මගේ ස්ථාවරය වන්නේ කොමියුනිස්ට් පක්ෂයේ මධ්යම කාරක සභාවට අපේ ව්යවස්ථාව අනුව බලතල නෑ එවැනි පියවරක් ගන්න.”
ශ්රී ලංකා කොමියුනිස්ට් පක්ෂයේ මධ්යම කාරක සභාව සහ දේශපාලන මණ්ඩලය අද (24) රැස්වී රාජා කොල්ලුරේ මහතා ව ශ්රී ලංකා කොමියුනිස්ට් පක්ෂයේ සභාපති ධූරයෙන් ඉවත් කර තිබුණි.
මේ අතර පාසල් ආරම්භ කිරීමෙන් පසු වර්ජනයේ නිරත වන වයඹ පළාත් ගුරු – විදුහල්පතිවරුන්ගේ නොවැම්බර් මස වැටුප අත්හිටුවන බව පසුගියදා ඔහු විසින් ප්රකාශ කිරීමත් සමග ඒ පිළිබඳව සමාජයේ වැඩි අවධානයක් දිනාගෙන ගත්තේය.
