ගෑස් දෙන්න රනිල් පත් කරපු අලුත් සභාපති මුදිත පීරිස් දැන් කියනවා තව සති දෙකක් යනකම් ගෑස් එන්නෙ නෑලු! පෝලිමේ ඉන්නෙ නැතිව ගෙදර ඉන්නලු!

ලිට්‍රෝ ගෑස් මිලදී ගැනීම සඳහා පෝලිම්වල රැඳී නො සිටින ලෙස එම සමාගම ජනතාවට දැනුම් දෙනු ලබයි.

ලබන මස 5 වැනිදා හා 12 වැනිදා අතර මෙට්‍රික් ටොන් 7,000ක ගෑස් තොග රැගත් නෞකා 2ක් පැමිණීමට නියමිත බවත් එතෙක් ජනතාවට බෙදා හැරීම සඳහා ගබඩාවල ගෑස් නොමැති බවත් ලිට්‍රෝ සමාගමේ සභාපති මුදිත පීරිස් පැවසීය.

ජූලි මස 10 වැනිදායින් පසුව ගෑස් මෙට්‍රික් ටොන් 25,000ක් රැගත් විශාල නෞකාවක් මාලදිවයිනේ මුහුදු සීමාවට ළඟාවීමට නියමිත අතර එහි සිට කුඩා නෞකා මගින් මෙරටට අඛණ්ඩව ගෑස් ගෙන්වා ගැනීමටයි සැලසුම් කර ඇත.

ඒ අනුව ලබන 05 වනදායින් පසුව දිවයින පුරා දෛනිකව කිලෝ 12.5 ගෘහස්ථ ගෑස් සිල්න්ඩර 80,000ක් බැගින් බෙදාහැරීමට සැලසුම් කර ඇති බව ලිට්‍රෝ සමාගමේ සඳහන් කළේය.