පවන, සත්‍යයේ ගීතය වැනි ගී ප්‍රසංග හරහා රටේ පවතින යථාර්ථය ගීතයෙන් එළිදැක්වූ නන්දා මාලිනිය මේ වනවිට රටට සිදුව ඇති දේ පිළිබදව නවතම ගීතයක් එළිදක්වා තිබේ.Sri Lanka Latest News
එය නම් කොට ඇත්තේ ‘යැදීම’ යනුවෙනි.
එහි පද රචනය මහාචාර්ය ආනන්ද දසනායකයන්ගෙන් වන අතර සංගීතය සපයා ඇත්තේ නවරත්න ගමගේය.
මෙහි ඇති විශේෂත්වය වන්නේ තවම කිසිදු ගුවන් විදුලි නාලිකාවක් හෝ රූපවාහිනී නාලිකාවක් විසින් මෙම ගීතය ප්‍රචාරය කොට නොතිබීමය.
නන්දා මාලිනිය පසුගිය කාලයේදී ගෝල්ෆේස් බිමේ පැවැති අරගලය සමගද එක්ව සිටියාය.
පහත දැක්වෙන්නේ එම ගීතයේ පද සහ ගීතය ඇතුළත් වීඩියෝවය.
කුස ගිනි වැදී හඬනා දරුවන් දකිමී…
ඔසු නැති නිසා ලෙඩ වැඩිවූවන් බලමී…
අද හෙට බොහෝ දෙන මියැදෙන වග දනිමී…
හත් දෙයියනේ හෙළයට ගිය කල කියමී…
අකුරට යන පුතා මිරිවැඩි ඉල්ලන්නේ…
දුවනිය පොතක් ගත හැකිදැයි විමසන්නේ…
පොල් අතු වියා කොහොමද පිළිතුරු දෙන්නේ…
මුතු ඇටයට උනේ මොකදැයි කියපන්නේ…
තිස් තුන් කෝටියක් අපි දෙස බලනු මැනේ…
යන්නට තැනක් නෑ මගෙ පැටවුන්ට අනේ…
දෙනු මැන අපට එක වරමක් දොවා සෙනේ…
වැටෙනෙමි නළල තබලා ඔබ දකුනු දනේ….
කුස ගිනි වැදී හඬනා දරුවන් දකිමී
ඔසු නැති නිසා ලෙඩ වැඩිවූවන් බලමී
අද හෙට බොහෝ දෙන මියැදෙන වග දනිමී
හත් දෙයියනේ හෙළයට ගිය කල කියමී
