සන්ධාන දේශපාලනය සිදු කරන ආකාරය පිළිබඳව ජනාධිපති රනිල් වික්රමසිංහ මහතා අවබෝධ කර ගත යුතුව ඇති බව පොදුජන පෙරමුණු මන්ත්රී නාමල් රාජපක්ෂ පවසයි. Sri Lanka Latest News
”එතුමා තේරුම්ගත යුතුයි, පරිනත දේශපාලනඥයෙක් විදිහට සන්ධාන දේශපාලනය කරන කොට ඒ සන්ධානය එක්ක සමගියෙන්, සාකච්ඡාවෙන් ගනුදෙනු කරන්න.. ”
ඔහු අවධාරණය කළේ, ආණ්ඩුවේ නරක පෙදුජන පෙරමුණටත් හොඳ තවත් පාර්ශවයකටත් යාම අනුමත කළ නොහැකි බයි.
ඇමති තනතුරු මාරු කිරීම සම්බන්ධයෙන් ප්රතිචාර දක්වමින් නාමල් රාපක්ෂ මන්ත්රීවරයා මෙම පැහැදිලි කිරීම සිදු කළේ ය.
එමෙන්ම යහපාලන ආණ්ඩුව සමයේ නායකයන් දෙදෙනාම පැති දෙකකට ගිය අතර, එහි ප්රතිඵලය වූයේ රට අස්ථාවරභාවයට පත්වීම බව හෙතෙම පෙන්වාදෙයි.
ඉදිරි තීරණ ගැනීමේදී සහ සභාග දේශපාලනයේ නියැලීමේදී ජනාධිපතිවරයා සන්ධාන නායකයන් සමඟ සාකච්ඡා කිරීම සුදුසු යැයි තමා විශ්වාස කරන බව ඔහු සඳහන් කළේය.
පසුගියදා සිදුවූ ඇමැති මණ්ඩල සංශෝධනය පිළිබඳව අදහස් දක්වමින් මන්ත්රීවරයා පවසන්නේ, එය අමාත්යාංශ මාරු කිරීමක් පමණක් වන බැවින් ඇමැති මණ්ඩල සංශෝධනයක් ලෙස සැළකිය නොහැකි බවය.
”ජනාධිපතිවරයාට කැබිනට් සංශෝධනයක් කරන්න අයිතියක් තියෙනවා. කෙසේවෙතත්, රජයටද යුතුකමක් තිබෙනවා ඒ සම්බන්ධයෙන් ඔවුන්ගේ සහෝදර සන්ධාන පාක්ෂිකයන් දැනුවත් කර සාකච්ඡා කරන්න.”
ශ්රී ලංකා පොදුජන පෙරමුණ සහ ශ්රී ලංකා නිදහස් පක්ෂය අතර ගැටුමක් සම්බන්ධයෙන් පැතිර යන කටකතා මන්ත්රීවරයා ප්රතික්ෂේප කළ ඇති අතර, වෙනත් කණ්ඩායම් විසින් එවැනි විරසකයක් පිළිබඳ කටකතා ඇති කිරීමට උත්සාහ කරන බවට ඔහු වැඩිදුරටත් චෝදනා කළේය.
ජනාධිපති ධූරය භාර ගන්නා ලෙස ආරාධනා කළේ, රනිල් වික්රමසිංහට පමණක් නොව සජිත් ප්රේමදාස, සරත් ෆොන්සේකා සහ අනුර කුමාර දිසානායකටද ආරාධනා කළ බවත් රනිල් වික්රමසිංහ ජනාධිපතිවරයා පරිතන දේශපාලඥයෙක් ලෙස සන්ධාන සමඟ කටයුතු කිරීමේදී සාකච්ඡා කර තීරණ ගැනීමට කටයුතු කළ යුතු බවයි ඔහු පෙන්වා දෙන්නේ.
පසුගියදා සිදුවූ නව ඇමතිවරුන් පත් කිරීම කැබිනට් සංශෝධනයක් ලෙස පිළි නොගන්නා බවත් ඇතුළත තනතුරු හුවමාරු කර ගැනීමක් පමණක් සිදුව ඇති බවයි මන්ත්රීවරයා සඳහන් කළේ.
ඉදිරියේදී ජනාධිපතිවරයා විසින් ඉදිරිපත් කරන අයවැය මත පක්ෂයක් ලෙස තීරණයක් ගැනීමට බලාපොරොත්තු වන බවයි පාර්ලිමේන්තු මන්ත්රී නාමල් රාජපක්ෂ වැඩිදුරටත් සඳහන් කළේ.
