නලින් හේවගේ මහත්තයා. ඔබතුමා පාර්ලිමේන්තුවට එන්න කලින් අපි ඔබතුමාට හරි කැමැත්තෙන් හිටියා. මොකද ඔබතුමාලා කතාකරද්දී හරි ලස්සනයි. හරි ආකර්ෂණීයයි. ඒත් පස්සේ පස්සේ එතුමා ගැන ටිකක් හොයන්න හිතුණා. කල්පනා කරන්න හිතුණා සමහර කතා නිසා. දැන් අවුරුදු 56ක්නේ නේද? 1968 පෙබරවාරි මාසේ 29 වැනිදා තමයි ඔබතුමාගේ උපන්දිනේ. උපන්දිනේ එන්නෙත් අවුරුදු 4කට සැරයක්. ඒකත් වෙනම ආතල් එකක් නේද? මේ අවුරුද්දේ උපන්දිනේකුත් නෑ ඔබතුමාගේ. ඒකට කමක් නෑ. 2024 ගාල්ල දිස්ත්රික්කය නියෝජනය කරමින් පාර්ලිමේන්තුවට එන්නේ ඔබතුමා ඡන්ද 274,707ක් අරගෙන. ලොකු ගානක්. රටක මේ වගේ තත්ත්වයක් යටතේ ඉතාම විශිෂ්ට ප්රතිඵලයක්. ගාල්ල, මාතර, හම්බන්තොට කියලා කියන්නේ මහින්දලගේ බළකොටු. කුඩප්පගෙ දරුවෝ පවා දාගෙන ගේමක් ගහලයි තිබුණේ. එහෙම පැත්තකින් මෙහෙම ගේමක් ගහනවා කියලා කියන්නේ ලේසි වැඩක් නෙවෙයි. අපි දන්නවා ඒක. Sri Lanka Latest News
ඔබතුමා මේ වෙද්දී ලංකාවේ වෘත්තීය අධ්යාපන නියෝජ්ය අමාත්යවරයා විදියට කටයුතු කරනවා. ඒ වගේම රාජ්ය ගිණුම් පිළිබඳ කාරකසභාවයි, අධ්යාපන, උසස් අධ්යාපන හා වෘත්තීය අධ්යාපන කටයුතු පිළිබඳ අමාත්යාංශ උපදේශන කාරකසභාවයි කියන දෙකම ඔබතුමන් විසින් නියෝජනය කරන බව අපට දැනගන්න ලැබුණා. ඉතින් ඔබතුමා බොහොම දක්ෂයෙක්. ඔබතුමාගේ හැකියාවන් එමටයි කියලා කියන අතරතුරේ ඇයි මේ ඔබතුමා පහුගිය දවස්වල බොහොම නරක විදියට කාන්තාවන්ට අපහාස කරමින් වැඩ කරන්නේ? විශේෂයෙන්ම රෝහිණී කවිරත්න මහත්මියට ඔබතුමා කරපු අපහාසය ගැන බොහොම නරක විදියට රටේ කතාවුණා.
නියෝජ්ය අමාත්ය නලින් හේවගේ මහතා විසින් සමගි ජන බලවේගය පක්ෂයේ පාර්ලිමේන්තු මන්ත්රීනි රෝහිණී කවිරත්න මහත්මිය සම්බන්ධයෙන් කළ ප්රකාශය සිදු නොවිය යුත්තක් ලෙස තමා සලකන බව අග්රාමාත්ය හරිනි අමරසූරිය මෙනෙවිය සඳහන් කළා කියලත් පහුගිය දවස්වල මාධ්යවල සඳහන් වෙලා තිබුණා. ‘දිවයින’ වෙබ් පිටුවෙන් තමයි මේක උපුටා ගත්තේ. එහිදී ආණ්ඩු පක්ෂයේ ප්රධාන සංවිධායක අමාත්ය නලින්ද ජයතිස්ස මහතා ඒ සම්බන්ධයෙන් ගත් පියවර ගැන තමා සතුටු වන බවද, තම පක්ෂයේ මන්ත්රීවරුන්ගෙන් යම් වරදක් සිදුවුවහොත් එය නිවැරැදි කිරීමට තම පක්ෂය කටයුතු කරන බවද එතුමිය සඳහන් කරලා තිබුණා. ඇත්තටම අපේ හේවගේ ඇමැතිතුමා ඔබතුමා කීප තැනක මේ වගේ නොපනත් ප්රකාශ කරමින් අනවශ්ය විදියට නොකිය යුතු දේවල් කියපු බව අපි දැක්කා. මනුෂ්ය ඝාතන සම්බන්ධයෙන් එක වතාවකදී කියලා තිබුණා. කසිප්පු පෙරණ, ගමේ හිටපු නරක මිනිස්සු මැරුවා තමයි වගේ ඒවා. එහෙම ඇමැතිතුමනි, මිනිස්සු මරන්න රටක අයිතියක් නෑ කියලයි අපි විශ්වාස කරන්නේ නම්. මම දන්නේ නෑ ඒක මොකක්ද කියලා. කොහොම වුණත් රටක කාන්තාවන් තමයි ඔබතුමාලාව පාර්ලිමේන්තු එව්වේ. ඔබතුමාලට වැඩි ඡන්ද දුන්නේ. ඔබතුමාලා මේ කාන්තාවන් වෙනුවෙන් විශේෂ දේශපාලන ක්රියාදාමයකුත් දියත් කළ බව අපි පහුගිය කාලයේ දැක්කා. ඒ ක්රමවේදය යටතේ ඔබතුමාලට බොහොම ලොකු ජනතා ප්රතිචාරයක් කාන්තාවන්ගෙන් ලැබුණා. කාන්තාවන්ගේ කැමැත්තෙන් පාර්ලිමේන්තු ආපු ඔබතුමාලට දැන් කාන්තාවන්ව පේන්නේ සෙල්ලම් බඩු වගේද කියලා අපිට හිතෙනවා. රෝහිණී කවිරත්න මහත්මියගේ පවුල ගැන, මවුපියන් ගැන, වැඩිහිටියෝ ගැන කතාකරන තැන්වලදී සහ එතුමියට අපහාස කරන තැන්වලදී විවිධ නරක විදියට කතාකරපු අවස්ථා එකක් දෙකක් නෙවෙයි. මේ වගේ දේවල් ගැන විවිධ තැන්වලදී විවේචන තිබුණා. විවිධ අය ඔබව විවේචනය කරන බව අපි දැක්කා. ඉතින් ඒ තත්ත්වයට ඔබතුමා පත්වෙන්න ඕනේ කෙනෙක් නෙවෙයි කියලයි අපිට නම් හිතෙන්නේ.
ඔබගේම පක්ෂයේ මන්ත්රී කෞෂල්යා ආරියරත්නත් ඔබව විවේචනය කරලා තිබුණා. ඔබතුමා ජලනි ප්රේමදාසවත් බොහොම නරක විදියට විවේචනය කරලා තිබුණා. ඒ වගේම රනිල් වික්රමසිංහ මහත්මියගේ බිරිඳ මෛත්රී වික්රමසිංහ මහත්මියවත් විවේචනය කරලා තිබුණා. බොහොම ප්රියමනාප මහාචාර්යවරියක් ශ්රී ලංකාවේ ඉන්න. කිසිම දවසක ප්රසිද්ධ දේශපාලනයට මැදිහත් නොවිච්ච කෙනෙක්. ඒ වගේ අයවත් විවේචනය කරලා, අපහසුතාවට පත්කරලා මේ වැඩේ නම් මහත්තයෝ හරියන්නේ නෑ.
අපි දන්නවා රටක බලය කියලා කියන්නේ දේශපාලනය කියලා කියන්නේ ලොකු දෙයක්. ඉතින් දේශපාලන බලය ලැබුණාම ඒක එහෙට මෙහෙට විසි කරලා දාලා අතට අහුවුණු කඩුව වනලා රජ්ජුරුවන්ගේ බෙල්ල කපපු පුරෝහිතයා වගේ වෙන අය පාර්ලිමේන්තු ආපුවාම වෙන භයානක දේවල් ගැනත් හිතන්න වෙනවා. අනුර කුමාර දිසානායක ජනාධිපතිතුමාටත් මතක් කරනවා මොකද නරක ප්රතිඵල වෙන්න පුළුවන් මේ විදියට ගියොත්. ඒ නිසා රටකට අවශ්ය කරන්නේ ඉතා විශ්වාසවන්ත බුද්ධිමත් ගුණයහපත් මහත්වරු. රටේ තිබුණා නරක දේශපාලන ක්රමවේදයක්. දේශපාලන සංස්කෘතියක්. ජරා කටවල් තියෙන එවුන් ටිකක් පාර්ලිමේන්තුවේ පිරිලා හිටියා. අපි ඒ මිනිස්සු ටික පන්නලා දාලා අලුත් මිනිස්සු ටිකක් පත්කර ගත්තා. ගුණයහපත් මහත්වරු ටිකක්. ඒ මහත්වරුන්ගේ ‘මහත්වරු’ කියන එකේ ‘ව’යන්න ගාවට ‘හො’යන්න දාගන්නේ නැතුව කටයුතු කරන එක මේ මහත්වරුන්ගේ වගකීමක්.
නලින් හේවගේ මහත්තයාට පහුගිය දවසක අපි දැක්කා නම වෙනස් කරලා හේවගේ වෙනුවට වෙන එකක් කිව්වා කියලත් කතාබහක් තිබුණා. රෝහිණී කවිරත්නත් දැන් නිකන් ඉන්නේ නෑ. අපි දකිනවා පොඩි පොඩි ඉඟිබිඟි දාලා එහෙන් මෙහෙන් ඔබතුමාව විවේචනය කරනවා. ස්ටාෆ් එකේ වැඩකරපු හැටි, ඔබතුමාගේ ඉතිහාසය ගැනත් කියලා තිබුණා. ඒවා හොඳ දේවල් නෙවෙයි. අපි ඒවා අනුමත කරන්නේ නෑ. නමුත් මෙහෙම වෙන්නේ ඔබතුමා අත තිබිච්ච හැන්දෙන් ඒ අයට බෙදන්න ගියපු නිසා කියලයි අපිට නම් හිතෙන්නේ.
ජීවන පහන් තිළිණ
