මීට වසරකට පෙර අද වගේ දවසක ජනාධිපතිවරණයක් පැවත්වූ බවත් මීට වසරකට පෙර ජනතාවගේ ජන ජීවිතය සහ අද මුහුණ දෙන අභියෝග ගැන සිතාබලන ලෙසත් මෙරට ජනාධිපති ධුරයට වත්මන් ජනාධිපතිවරයා තරග කරන විට කියපු දේ වුණාද කියා ගැටලුවක් ඇති බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
ගමින් ගමට නගරයෙන් නගරයට විපක්ෂ නායක ජංගම සේවය යටතේ කලාවැව ගල්නෑව බලප්රදේශය ජනතාවගේ ගැටලු සොයාබැලීමට ගිය අවස්ථාවේදී විපක්ෂ නායක සජිත් ප්රේමදාස මහතා මේ බව කියා සිටියේය.
විදුලි බිල 33%කින් අඩු කරනවා කිව්වත් අද විදුලිබල ක්ෂේත්රයේ 23000ක් සේවකයන්ගේ රැකියා අවදානමට ලක්කර විදුලි බිල අඩු කරනවා වෙනුවට අයි.එම්.එෆ්. එකේ පදයට නටා විදුලි බිල වැඩි කරන්න සැලසුම් සකස් කරන බවත් මැතිවරණ සමයේ සොච්චමක් අඩුකර ඡන්ද ගෙන දැන් වැඩි කරන්න යන බවත් විපක්ෂ නායකවරයා පැවැසීය.
වී ගොවියා රජ කරවනවා කියා ඒ අය රජ වුණා
වී ගොවියා අද අසරණ බවත් වීවලට පොරොන්දු වූ රු.120 සහතික මිල නැති බවත් තෙත් වී පවා අද විකුණන්නේ 85, 90, 95ට බවත් වියළි වී විකුණන්නේ රු.105ට බවත් තමා ළඟ පච දේශපාලනය නොමැති බවත් එදා ගොවිජන සම්මේලයේ ලොක්කන් කුඹුරට බැස රු.150 සහතික මිල දෙනවා කියා ගොයම් කැපුවත් අද 120වත් දෙන් නැතිව ගොවියා අනාථ වී ඇති බවත් විපක්ෂ නායකවරයා පැවැසීය.
ගුණාත්මක බීජ නොමැති වීම, පොහොර සහනාධාරය නොමැති වීම, රසායනික තෙල් පොහොර මිල අඩු නොවුණු බවත් වගා කටයුතු කරන්න අවශ්ය උපකරණ කුලිය පවා වැඩි බවත් ඊට අමතරව අලි – මිනිස් ගැටුම නිසා වගා හානි, ජීවිත හානි සිදු වුවත් වන්දි හෝ රක්ෂණ නොමැති බවත් වන අලි ප්රහාරයෙන් මියගියහොත් වන්දිය රු. ලක්ෂ 10ක් බවත් මේ තරම් ගැටලු මැද වගා කටයුතු කළත් හරිහමන් මිලක් නොමැති බවත් සජිත් ප්රේමදාස මහතා වැඩිදුරටත් පැවැසීය.
පළාත් සභා තිබ්බොත් නම් ජනතාව හරි පාඩම කියා දේවි
ඡන්දෙ කාලයේ ගොවියා රජ කරවනවා කියා ගොවියාගේ කර පිටින් බලයට පැමිණ ගොවියා පාගා දමමින් සිටින බවත්, මේ අයට ගොවියාගේ දුක නොතේරෙන බවත්, දැන්වත් කියපු ආකාරයට පළාත් සභා මැතිවරණය පවත්වන ලෙස ඉල්ලා සිටින බවත් රටේ ජනතාව එවිට මේ පච ආණ්ඩුවට හොඳ උත්තර දෙන බවත් විපක්ෂ නායකවරයා එහිදී තවදුරටත් පැවැසීය.
පොහොසත් රටත් නෑ ලස්සන ජීවිතයත් නෑ
‘පොහොසත් රටක් ලස්සන ජීවිතයක්’ කියා මේ රජය අයිඑම්එෆ් එක ළඟ දණ නමා අයිඑම්එෆ් එක කියන කියන දේ කරන බවත්, ඒ නිසා විදුලි බිල වැඩි වන බවත් විපක්ෂ නායක සජිත් ප්රේමදාස මහතා පැවැසීය.
අද රාජ්ය සේවකයා මහපාරේ
අද රාජ්ය සේවකයා මහ පාරේ අරගල කරන බවත් අයිතිවාසිකම් ශක්තිමත් කරන්න ඡන්දය දුන්නත් අද ජනතාවගේ අයිතිවාසිකම් උදුරා ගන්නා බවත් මානව හා මූලික අයිතිය උල්ලංඝනය කරමින් යන බවත් කිසිදු සැලසුමක් නොමැතිව කටයුතු කරන බවත් වසරක් ගිය අවස්ථාවේ මේ අය කළේ ජනතාවගේ ජන ජීවිත විනාශ කර තිබූ ආදායම නැති කිරීම බවත් මේ නිසා රටෙන් 50%ක් දුප්පතුන් වී ඇති බවත් මෙහි වගකීම රජය බාරගත යුතු බවත් විපක්ෂ නායක සජිත් ප්රේමදාස මහතා එහිදී වැඩිදුරටත් පැවැසීය.
