බාල ගල්අගුරු ගෙන්වීම සම්බන්ධයෙන් සොයා බැලීම සදහා පත්කළ ජනාධිපති කොමිසම සාක්ෂි සටහන් කරගැනීමටත් පෙරාතුව ජවිපෙ ලේකම් ටිල්වින් සිල්වා එහි අවසන් තීන්දුව ලබා දී ඇති බව එස්.එම්. මරික්කාර් මහතා පැවසීය.
සමගි ජන බලවේග ප්රධාන කාර්යාලයේ අද (13) පැවැති මාධ්ය හමුවට සහභාගි වූ පාර්ලිමේන්තු මන්ත්රී එස්.එම් මරික්කාර් මහතා වැඩිදුරටත් මෙසේද පැවැසී ය,Sri Lanka Latest News
‘‘සමගි ජනබලවේගය පිරිසිදු පක්ෂයක් , දුෂණ වංචා චෝදනා එල්ල නොවුන පිරිසිදු දේශපාලනයක නිරත වන පිරිසක් සමගි ජනබලවේගයේ සිටිනවා. ඒ අනුව වෙනත් දේශපාලඥයෙක් වංචාවක දුෂණයක සම්බන්ධයි නම් , දුෂණ වංචා චෝදනා එල්ල වී තිබෙනවානම් ඔවුන්ව පිරිසිදු කරන්න සමගි ජනබලවේගය කටයුතු කරන්නෙත් නැහැ. ඒ වගේම යම් යම් දේශපාලන කඳවුරුවලට සමගි ජනබලවේගය විසින් එල්ල කළ චෝදනා අදටත් වලංගු වෙනවා. කෙසේ නමුත් වර්තමාන ආණ්ඩුවට පසුගිය ආණ්ඩුවල සිටි දේශපාලඥයින් කළැයි කියන වංචා දුෂණ උප්පු කර ගැනීමට ශක්තියක් නැහැ. කෙසේ හෝ සමගි ජනබලවේගය ඇතැම් දේශපාලඥයින්ට එල්ල කළ චෝදනා වෙනුවෙන් සමගි ජනබලවේගය අදටත් පෙනී සිටිනවා. ඒ වගේම ආණ්ඩු බලය තිබෙන්නේ සමගි ජනබලවේගයට නෙවෙයි. ඒ නිසා ආණ්ඩු බලය තිබෙන ජාතික ජනබලවේගය එම චෝදනා උප්පු කරන්න වහාම කටයුතු කළ යුතුයි.
ඒ වගේම ගල් අඟුරු චෝදනාවෙන් ආණ්ඩුව නිදහස් වන බව ජනතා විමුක්ති පෙරමුණේ ලේකම් ටිල්වින් සිල්වා පසුගියා දා ප්රකාශ කර තිබුණා. ඒ අනුව ගල් අඟුරු වංචාව සම්බන්ධයෙන් තීන්දුව ජනතා විමුක්ති පෙරමුණේ ලේකම්වරයා විසින් ලබා දී අවසානයි. කෙසේ නමුත් ගල් අඟුරු වංචාව සම්බන්ධයෙන් ජනාධිපති අනුර දිසානායක කොමිසමක් පත් කළේ මාස 6 කට. නමුත් ගල් අඟුරු වංචාවේ තින්දුව මාස තුනකින් ලබාදෙන බව ජනතා විමුක්ති පෙරමුණේ ලේකම්වරයා ප්රකාශ කරනු ලබනවා. ඒ නිසා එවැනි තත්ත්වයක් තුළ ගල් අඟුරු වංචාව සම්බන්ධයෙන් චෝදනා විමර්ශනය සඳහා සමගි ජනබලවේගයේ සහභාගිවිය යුතුද? යන්න ප්රශ්නය මතුවෙනවා. ඒ වගේම ගල් අඟුරු සම්බන්ධයෙන් විමර්ශනය සිදුකරන කොමිසන් සභාව පිළිබඳව ජනතා විමුක්ති පෙරමුණේ ලේකම්වරයා සිදුකරන ප්රකාශ හේතුවෙන් විශ්වාසයත් නැති වෙනවා. ජනතා විමුක්ති පෙරමුණේ ලේකම්වරයා එම කොමිසමේ සභාපතිවරයාත් සිදුකරන්නේ අගෞරවයක්. කොමිසම සාක්ෂි විමසීමක්වත් සිදුකරන තිබෙන පසුබිමක ජනතා විමුක්ති පෙරමුණේ ලේකම්වරයා තින්දුවක් ගැන ප්රකාශ කරනු ලබනවා. ජනතා විමුක්ති පෙරමුණේ ලේකම්වරයා පක්ෂයක ලේකම්වරයෙක් පමණයි. ඔහු මහජන ඡන්දයෙන් තේරීපත්වුණ පුද්ගලයෙක් නෙවෙයි. ඒ නිසා ඔහුට එවැනි ප්රකාශ නිකුත් කරන්න කිසිදු අයිතියක් නැහැ. ඒ වගේම අධිකරණය සම්බන්ධයෙනුත් විවිධ ප්රකාශ නිකුත් කරන්න ජනාධිපතිවරයාටත් කිසිදු අයිතියක් නැහැ. ස්වාධීන ආයතනවල ස්වාධීනව වැඩ කටයුතු සිදුකරන්න ඉඩ ලබාදිය යුතුයි.
ඒ වගේම සමගි ජනබලවේගයේ පාර්ලිමේන්තු මන්ත්රී හර්ෂ ද සිල්වාගේ මුහුණු පොතේ තැබූ සටහනක් පිළිබඳවත් රට තුළ කතා බහක් ඇති වී තිබෙනවා. හර්ෂ ද සිල්වා මධ්යම දක්ෂිණාංශික කඳවුරු නියෝජනය කරන පුද්ගලයෙක්. ඒ වගේම සමගි ජනබලවේග කඳවුරේ ආර්ථික කණ්ඩායම නියෝජනය කරමින් ඒ සඳහා නායකත්වය ලබා දෙනු ලබන්නේ හර්ෂ ද සිල්වා. ඒ වගේම ආණ්ඩුවට ඔහු සහාය ලබා නොදෙන බවත් ඔහු ප්රකාශ කර තිබෙනවා. ඒ වගේම සියල්ලටම ඉහළින් සජිත් ප්රේමදාස මහතා දේශපාලන නායකත්වය ලබා දෙනවා. ඒ වගේම රටේ ආර්ථිකය හදන වැඩපිළිවෙළට සහාය ලබා දෙන්න හර්ෂ ද සිල්වා කැමැතියි. ඒ වගේම නාගරික සංවර්ධන ක්ශ්රේත්රය හෝ බලශක්ති ක්ශ්රේත්රය ශක්තිමත් කරන්න අවශ්ය නායකත්වය ලබාදෙන්න මම සූදානම්. ඒ වගේම සමගි ජනබලවේගයේ සිටින දක්ෂ කණ්ඩායම රටේ විවිධ ක්ශ්රේත්රයන් ශක්තිමත් කරන්න අවශ්ය ශක්තිය ලබාදෙන්න සූදානම්. ඒ වගේම සමගි ජනබලවේගය තුළ කිසිදු අර්බුදයක් නැහැ. නමුත් ඇතැම් පිරිස් පක්ෂය තුළ යම් යම් අර්බුද නිර්මාණය කරන්න උත්සහ කරනවා.
ඒ වගේම මේ වනවිට විදුලි බිල වැඩි වෙලා තිබෙනවා , ජල බිල වැඩි වෙන්න නියමිතයි , ඖෂධවල මිල වැඩි වී තිබෙනවා , බස් ගාස්තු වැඩි වෙලා තිබෙනවා , ඉන්ධන මිල වැඩි වෙලා තිබෙනවා. රටේ සෑම ක්ශ්රේත්රයක්ම මේ වනවිට විශාල පසුබෑමකට ලක්ව තිබෙනවා. ඒ වගේම ලෝකයේ යුදමය වතාවරණය හේතුයෙන් විදේශ ප්රේෂණ වලට ගැටලුවක් ඇති වී තිබෙනවා. ඒ වගේම අපනයනය යම් මට්ටමකට සීමා වී තිබෙනවා. ඒ වගේම ආණ්ඩුව විවෘත ආර්ථිකයක් වෙනුවට සංවෘත්ත ක්රමයක් ඇති කිරිම තුළ විදේශ රටවල් සමඟ පාලම් බඳිනවා වෙනුවට දූපත් මානසිකත්වයෙන් කටයුතු කිරීම තුළ රටේ සෑම ක්ශ්රේත්රයක්ම කඩා බිඳ දමා තිබෙනවා. ඒ හේතුවෙන් රටට සෘජු විදේශ ආයෝජන පැමිණෙන්නේ නැහැ. ඒ වගේම සෘජු විදේශ ආයෝජන නොලැබිම හේතුවෙන් සංචිත ප්රමාණයද අඩු වෙනවා. කෙසේ නමුත් රටේ සියලුම ක්ශ්රේත්ර ශක්තිමත් කර එහි ප්රතිලාභ රට වැසියාට ලබාදිය යුතුයි.
ඒ වගේම බලය ලබා ගැනීම සඳහා දේශපාලන වේදිකාවේ බොරු ප්රකාශ කිරීම නොකළ යුතුයි. ආණ්ඩුව දේශපාලන වේදිකාවේ ලබාදුන්න බොරු පොරොන්දු හේතුවෙන් අද විදවමින් සිටිනවා. ජනතාව බලය ලබා දෙන්නේ කයිවාරු ගසමින් රටේ ජනතාව මුලාවට පත් කිරීම සඳහා නෙවෙයි. රටේ සියලු ක්ශ්රේත්රයන් දියුණු කර ඒවායේ ප්රතිලාභයන් රටේ ජනතාවට ලබා දිය යුතුයි. ඒ වගේම සමගි ජනබලවේගය විපක්ෂයේ සිටියත් රටේ දියුණු කළ හැකි ක්ශ්රේත්ර සඳහා ආණ්ඩුවට ශක්තියක් වෙන්න සෑම අවස්ථාවකදීම කටයුතු කරනු ලබනවා. ඒ වගේම ඕනෑම ක්ශ්රේත්රයක් භාර ගෙන රටට සෘජු විදේශ ආයෝජන ගෙන ඒමේ සැලසුම් සමගි ජනබලවේගය සතුව තිබෙනවා.
ඒ වගේම දුෂණ වංචා චෝදනා නැති , පලපුරුද්දක් තිබෙන , දක්ෂ පිරිසක් සිටින්නේ සමගි ජනබලවේගයේ පමණයි. ඒ නිසා රට ශක්තිමත් කරන වැඩපිළිවෙළට ආණ්ඩුව එකතු වී වැඩ කටයුතු කරන්නැයි සමගි ජනබලවේගයේ පාර්ලිමේන්තු මන්ත්රීවරුන්ට ආණ්ඩුව ආරාධනා කරනවා. ඒ වගේම අත්හදා බැලිම් නොකළ කණ්ඩායමක් සමගි ජනබලවේගයේ සිටිනවා. ඒ වගේම ඊළග වතාවේදී යථාර්තය තේරුම් ගෙන අත්හදා බැලිම් නොකළ නායකයෙකුට සහ කණ්ඩායමකට රට භාර දෙන්න රටේ ජනතාවට භාර දෙන්න සිදුවෙනවා. ඒ වගේම සමගි ජනබලවේගයේ මන්ත්රීවරුන්ගේ අද්දැකිම් සහ පලපුරුද්ද රටේ ජනතාව වෙනුවෙන් භාවිතා කරන්න සූදානම්. ඒ වගේම රටේ පොදු විපක්ෂය ලෙස ලියාපදිංචි වුණ දෙයක් නැහැ. නිල වශයෙන් රටේ විපක්ෂ නායකවරයා වන්නේ සමගි ජනබලවේගයේ නායක සජිත් ප්රේමදාස මහතා පමණයි. ඒ වගේම සමගි ජනබලවේගය පොදු විපක්ෂ එක්ක එකුත වෙන්න තිරණය කරලා නැහැ. සමගි ජනබලවේගය එකතු වෙන්නේ එක්සත් ජාතික පක්ෂය සමඟ පමණයි.
ඒ වගේම සමගි ජනබලවේගය විශ්වාස කරනු ලබන්නේ විවෘත වෙළඳපොල ආර්ථිකයක් , තරඟකාරි වෙළඳපොලක් නිර්මාණය කරන ආර්ථිකයක් , ඒ වගේම කූඨ ව්යාපාරිකයන්ගේ වැඩ කටයුතුවලට ආණ්ඩු හසු නොවිය යුතුයි. ඒ වගේම සමගි ජනබලවේගය ප්රතිපත්ති පාවා දෙන දේශපාලන ව්යාපාරයක් නෙවෙයි. ඒ වගේම සමගි ජනබලවේගය මැතිවරණ දෙකක පරාජයට පත් වුණා. නමුත් රටේ ජනතාව සමගි ජනබලවේගයේ මන්ත්රිවරුන්ට හොරුන් ලෙස ආමන්ත්රණය කළේ නැහැ. ඒ වගේම සමගි ජනබලවේගය යනු ප්රජාතත්ත්රවාදය විශ්වාස කරන වෙළඳපොල ආර්ථිකය විශ්වාස කරන ලෝකය සමඟ ගනුදෙනු කරන , තරඟකාරි වෙළදපොල තුළ ජනතාවට සහන ලබාදිය යුතු බව සමගි ජනබලවේගය විශ්වාස කරනු ලබනවා.‘‘
