බදුල්ල දිස්ත්රික් පාර්ලිමෙන්තු මන්ත්රී චාමර සම්පත් දසනායක මහතාව ඇප මත මුදාහැරීමට බදුල්ල මහෙස්ත්රාත් නුජිත් ද සිල්වා මහතා අද (19) නියෝග කර තිබේ.Sri Lanka Latest News
ඒ අදාළ සිද්ධිය සම්බන්ධයෙන් වූ ඇප අයදුම සලකා බැලීමෙන් අනතුරුව රුපියල් ලක්ෂ 10 බැගින් වූ ඇප දෙකක් මතය.
පොදු දේපල පණත යටතේ පවරා ඇති නඩුවකට රක්ෂිත බන්ධනාගාර ගතකර සිටි පාර්ලිමේන්තු මන්ත්රී චාමර සම්පත් දසනායක මහතා අද පෙරවරු නවයට පමණ බදුල්ල මහෙස්ත්රාත් අධිකරණය වෙත රැගෙන ආවේය.
ඌව පළාත් මහ ඇමැති වශයෙන් කටයුතු කරමින් සිටියදී 2016 වර්ෂයේ දී පෙර පාසල් ළමුන් සඳහා පාසල් පොත් බෑග් ලබාදීම සඳහා රාජ්ය බැංකුවක් විසින් ලබාදුන් රුපියල් ලක්ෂ දහයක මුදලක් සාවද්ය පරිහරණය කළේ යැයි කියන සිද්ධියක් සම්බන්ධයෙන් අපරාධ පරීක්ෂණ දෙපාර්තමේන්තුව විසින් පොදු දේපොළ පණත යටතේ මන්ත්රීවරයාට එරෙහිව මෙම නඩුව පවරා තිබුණි.
මේ අතර වරෙන්තු නිකුත්කර තිබෙන හිටපු කෘෂිකර්ම අමාත්ය මහින්දානන්ද අලුත්ගමගේ මහතා කොළඹ ප්රධාන මහෙස්ත්රාත් අධිකරණය වෙත පැමිණ සිටියි.
ඉකුත් රජය සමයේ චීන සමාගමකින් ප්රමිතියෙන් තොර කාබනික පොහොර නැවක් ගෙන්වීමේ සිද්ධිය සම්බන්ධයෙන් අත්අඩංගුවට ගැනීමට සඳහා ඔහුට වරෙන්තු නිකුත්කර තිබුණි.
ඒ අනුව, එම නඩුව අද (19) කැඳවීම සඳහා ඒ මහතාගේ නීතිඥවරු විසින් මෝසමක් ඉදිරිපත් කර තිබෙන බවත් වාර්තා වේ.
