විපක්ෂ නායක සජිත් ප්රේමදාස මහතා හට සති දෙකක කාලයක් පාර්ලිමේන්තුව තහනම් කරන ලෙස ඉල්ලා ආණ්ඩු පක්ෂ මන්ත්රීවරුන් විසින් යෝජනාවක් සම්මත කරගැනීමට සිකුරාදා (24) දිනයේ පියවර ගනු ලැබීය.
ඊට අදාළ යෝජනාව පාර්ලිමේන්තුවට ඉදිරිපත් කරනු ලැබුවේ පොහොට්ටු මන්ත්රී ප්රේමනාත් සී. දොළවත්ත මහතා විසිනි.
පොහොට්ටුවේ මන්ත්රී මිලාන් ජයතිලක මහතා විසින් එම යෝජනාව ස්ථිර කිරීමට පියවර ගෙන තිබිණි.
විපක්ෂ නායකවරයා ප්රකෝපකාරීව හැසිරුණු බව සඳහන් කරමින් මෙම යෝජනාව ගෙන ඒමට දොළවත්ත මන්ත්රීවරයා කටයුතු කළේය.
ජනාධිපතිවරයා සිකුරාදා දිනයේදී පාර්ලිමේන්තුවට පැමිණ විශේෂ ප්රකාශයක් සිදුකිරීමෙන් අනතුරුව විපක්ෂ නායකවරයා ඊට පිළිතුරු දීමට යෑමේදී ඇතිවූ උණුසුම් තත්ත්වය මුල්කරගෙන ආණ්ඩු පක්ෂය විසින් විපක්ෂ නායකවරයාට එරෙහිව මෙම යෝජනාව ගෙනැවිත් තිබිණි.
Sri Lanka Latest News
