පෞද්ගලික ආයතනයක සේවය කරන කාන්තාවකට අඹුසැමි යුවළක් විසින් අමානුෂික අන්දමින් පහරදෙන අයුරු දැක්වෙන සීසීටීවී දර්ශන පෙළක් පසුගිය දින කිහිපයේ දී සමාජ මාධ්යවල සංසරණය වීමෙන් අනතුරුව එම පුද්ගලයින් සම්බන්ධ පොලිසියට තොරතුරු ලැබී එකී යුවළ අත්අඩංගුවට පත්ව ඇතැයි වාර්තා විය. (Sri Lanka Latest News)
119 පොලිස් හදිසි ඇමතුම් අංකයට ලද තොරතුරකට අනුව ඊයේ (14) රාත්රියේ අත්අඩංගුවට ගෙන ඇති මෙම යුවළ කඳානේ සිට ක්රියාත්මක KD Express නමැති කුරියර් සේවා ආයතනයක හිමිකරුවන් වන බවත් කසුන් මධුෂංක හා ප්රහර්ෂණී අරුණාලි ලෙස සමාජ මාධ්ය තුළින්ද කරුණු වාර්තාවී තිබුණි.
තරුණිය ප්රතිප්රහාර දෙන්නට යන්නේ නැත. ඇය බිම ඇද වැටෙන අතර, ඉන් පසුවද ආයතන හිමිකරු යළිත් ඇයට අමානුෂික ලෙස පහරදෙන දෙනු දක්නට ලැබේ.
පොලිසිය පවසන්නේ පහරකෑ තරුණිය පොලිසියට පැමිණිල්ලක් කර තිබුනේ නැති නමුත් 119 අංකයට ලැබුණ තොරතුරු ඔස්සේ යුවළ අත්අඩංගුවට ගත් බවයි.
කෙසේ වෙතත් පහරකෑමට ලක්වු තරුණිය සැකකාර යුවළගේ ළඟම ඥාතියකු බවත්, වසර 3ක පමණ කාලයක සිට ඇය මෙකී යුවළ වාසය කරන නිවසේ නැවතී ඒ ආසන්නව පිහිටා ඇති ආයතනයේ සේවය කළ බවත් පැවසේ. මෙම තරුණිය මීට පෙර කිහිප අවස්ථාවන්හිදීත් ඔවුන්ගේ හිංසනයට ලක්ව ඇති අතර පහර කන අවස්ථාවල එතැනින් පළායන්නට හෝ උත්සාහ නොකර සියල්ල ඉවසා සිට ඇත්තේ ඥාතීන් යටතේ රැකියාවේ යෙදීමේ අවශ්යතාව හේතුවෙන්ය බව පැවසේ.
සැකකරු සහ සැකකාරිය අද (15) දින වැලිසර අධිකරණයට ඉදිරිපත් කිරීමට නියමිතය.
ආන්දෝලනය මතුකළ වීඩියෝව පහතින්.
gossiplankanews
