පාර්ලිමේන්තුවේ කටයුතු කල්තැබීමට කථානායක මහින්ද යාපා අබේවර්ධන මහතා කටයුතු කළේය.
ඒ අධිකරණ අමාත්ය විජේදාස රාජපක්ෂ මහතා විසින් අද සහ හෙට දිනට යොදාගෙන තිබූ එක්ස්ප්රස් පර්ල් නෞකාවේ විවාදය ලබා දිය නොහැකි බව ප්රකාශ කිරීමත් සමගය.
මෙම විවාදය ලබා දුනහොත් එය දැනට සිදුකෙරෙන නඩු කටයුත්තට බාධාවක් බව පවසමින් අමාත්යවරයා මේ බව ප්රකාශ කර සිටියේය.
මේ තත්ත්වයත් සමග ඇතිවූ උණුසුම්කාරී වාතාවරණය හේතුවෙන් පාර්ලිමේන්තුව විනාඩි 10කට කල් තබා තිබේ.
කෙසේවෙතත් පාර්ලිමේන්තු න්යාය පත්රය අනුව අද සහ හෙට එක්ස්ප්රස් පර්ල් විවාදයට පාර්ලිමේන්තුවේ දින වෙන් කොට ඇති බැවින් එම විවාදය නොපැවැත්වුණහොත් අදාළ දින දෙකේ වෙනත් කිසිදු කටයුත්තක් සිදුකිරීමේ හැකියාවක් නොමැති බව පාර්ලිමේන්තු ආරංචි මාර්ග සදහන් කරයි.
