Heart to Heart International ආයතනය විසින් ශ්රී ලංකාවේ ජනතාව වෙනුවෙන් සපයනු ලබන ආධාර තවදුරටත් ක්රියාත්මක කරමින්, තානාපති මහින්ද සමරසිංහ මහතාගේ මගපෙන්වීම යටතේ, නවවන වරටත් හදිසි ඖෂධ තොගයක් ශ්රී ලංකාවට පරිත්යාග කරනු ලබයි. ආසන්න වශයෙන් ඩොලර් 644,160.128 (එනම් රුපියල් 213,378,042.4) වටිනා මෙම හදිසි වෛද්ය ආධාර තොගය ශ්රී ලංකාවට යැවීම සඳහා අවශ්ය සියලුම රජයේ අනුමැතියන් දැනටමත් ලබාගෙන ඇත. මෙම පරිත්යාගයෙහි අධි රුධිර පීඩනයට ප්රතිකාර කිරීම සඳහා භාවිතා කරනු ලබන Amlodipine besylate සහ වකුගඩු, අග්න්යාශය, මොළය සහ පියයුරු පිළිකා සඳහා ප්රතිකාර කිරීමට භාවිතා කරන Everolimus වැනි ඖෂධ වර්ග ඇතුළත් වේ.Sri Lanka Latest News
ශ්රී ලංකාවේ ජනතාව වෙනුවෙන් දෙනු ලබන මෙම අඛණ්ඩ පරිත්යාගයන් වෙනුවෙන් Heart to Heart International ආයතනය වෙත වොෂින්ටන් ඩී.සී. හි ශ්රී ලංකා තානාපති කාර්යාලය ඉමහත් ස්තුතිය පුදකර සිටී. ශ්රී ලංකාවේ සෞඛ්ය අමාත්යාංශය සහ තානාපති කාර්යාලය මගින් අවශ්ය කටයුතු සම්පාදනය කරන ලද මෙම නවවන ඖෂධ පරිත්යාගය 2023 දෙසැම්බර් මස අග වන විට ගුවනින් කොළඹට ලඟාවීමට නියමිතව ඇත. පෙර අවස්ථාවල පරිදිම Heart to Heart International ආයතනය විසින් සියළුම වියදම් දරා ඇති මෙම ඖෂධ තොගය ශ්රී ලංකාවාසී ජනතාවට කිසිදු වියදමකින් තොරව කඩිනමින් බෙදා හැරීම සඳහා සෞඛ්ය අමාත්යාංශය විසින් භාරගනු ලබයි.
මේ දක්වා Heart to Heart International ආයතනය විසින් ශ්රී ලංකාව වෙත සපයන ලද මුළු ආධාරවල වටිනාකම ආසන්න වශයෙන් ඩොලර් 46,806,029.58 (එනම් ආසන්න වශයෙන් රුපියල් බිලියන 15) වේ.
කන්සාස් ප්රාන්තයේ ලෙනෙක්සා නගරයේ මූලස්ථානය පිහිටා ඇති Heart to Heart International (HHI) ආයතනය, සෞඛ්යය ප්රවේශය වැඩිදියුණු කිරීම කෙරෙහි අවධානය යොමු කරන ගෝලීය මානුෂීය සංවිධානයකි. 1992 වර්ෂයේ එහි ආරම්භයේ සිට, HHI ආයතනය එක්සත් ජනපදය ඇතුළුව රටවල් 130 කට වැඩි ගණනකට ඩොලර් බිලියන 2.8 ක් වටිනා වෛද්ය ආධාර සහ සැපයුම් ලබා දී ඇත. වෛද්ය සහන සැපයීමෙන් සහ ස්වේච්ඡා සේවකයන් බලමුලු ගැන්වීමෙන් HHI ආයතනය දේශීය හා ජාත්යන්තර වශයෙන් ස්වභාවික විපත්වලට ප්රතිචාර දක්වනු ලබයි. මෙම සංවිධානය තරු 4 පුණ්යායතනයක් මෙන්ම BBB ප්රතීතනය ලත් පුණ්යායතනයක්ද වන අතර එය “Philanthropy 400” යටතේද නම්කර ඇත.
ශ්රී ලංකා තානාපති කාර්යාලය Heart to Heart International
වොෂින්ටන් ඩී.සී. කන්සාස්
