ආරක්ෂක නියෝජ්ය අමාත්යවරයාට එරෙහි විශ්වාසභංගය විවාදයේදී අලුත් කරුණු හෙළිවෙතැයි බියෙන් ආණ්ඩුව යම් යම් තාක්ෂණික කරුණු උපයෝගී කරගනිමින් මෙම විශ්වාසභංග යෝජනාව මගහැරීමට කටයුතු කරමින් සිටින බව සමගි ජන බලවේගයේ කොළඹ දිස්ත්රික් පාර්ලිමේන්තු මන්ත්රී මුජිබර් රහුමාන් ප්රකාශ කරනවා.Sri Lanka Latest News
ඔහු පෙන්වා දෙන්නේ මෙම විශ්වාසභංග යෝජනාව විවාදයට ගෙන ඊට මුහුණ දීමට ආණ්ඩුවට ශක්තියක් නොමැති බවයි.
යම් විදියකින් මෙම විශ්වාසභංග යෝජනාව විවාදයට නොගැනීමට ආණ්ඩුව කටයුතු කළොත් ඒ අවස්ථාවේදී ඊට අදාළ ක්රියාමාර්ග ගැනීමට සමගි ජන බලවේගය ප්රමුඛ විපක්ෂය සූදානමින් සිටින බවද මුජිබර් රහුමාන් විසින් පෙන්වා දුන්නා.
මෙම විශ්වාසභංග යෝජනාව ඉදිරිපත් කිරීමේදී කරුණු රැසක් සලකා බලා ඇති බවත් ඒ ගැන ආණ්ඩුව නිසි පිළිතුරක් ලබා නොදී විශ්වාසභංගය මගහරිමින් සිටින බවයි ඔහු සඳහන් කළේ.
අනුර කුමාර දිසානායක ජනාධිපතිවරයා විදේශගත වූ අවස්ථාවලදී වැඩබලන ආරක්ෂක අමාත්යවරයා වශයෙන් කටයුතු කර ඇති නිසා අරුණ ජයසේකර සම්බන්ධයෙන් මෙම විශ්වාසභංග යෝජනාව විසි කිරීමට ආණ්ඩුවට හැකියාවක් නොමැති බවත් නියෝජ්ය අමාත්යවරයකුට වුවද ඔහු පාර්ලිමේන්තුවට වගකියන නිසා විශ්වාසභංග යෝජනාවක් ගෙන ඒමට හැකි බවත් එම නිසා පාර්ලිමේන්තු ස්ථාවර නියෝග හා අනෙකුත් කරුණු සලකා බලා මෙම විශ්වාසභංග යෝජනාව විවාද කිරීමට ආණ්ඩුව අනිවාර්යෙන්ම කටයුතු කළ යුතු බවයි මුජිබර් රහුමාන් පෙන්වා දෙන්නේ.
ඔහු ප්රකාශ කරන්නේ ආණ්ඩුවට එකසිය පනස් නවයක් වැනි තුනෙන් දෙකක අති බහුතරයක් ඇතිනිසා විශ්වාසභංගය පහසුවෙන් පරාජය කිරීමට හැකියාව තිබියදී ඵය විවාදයට ගැනීම වැළැක්වීම සඳහා ආණ්ඩුව සූදානම් වන්නේ ඇයිද කියා ජනතාවටද දැඩි මතුවන බවයි.
නව කරුණු සහ පාස්කු විමර්ශන කටයුතු සම්බන්ධයෙන් සිදුකරන විමර්ශනවල නවතම තොරතුරු සහ එම පරීක්ෂණ නිසියාකාරව සිදු නොවන බවට කරුණු අනාවරණය වෙතැයි බියෙන් ආණ්ඩුව මෙම විශ්වාසභංග යෝජනාව මගහැරීමට කටයුතු කරමින් සිටින බවයි ඔහු වැඩිදුරටත් සඳහන් කර සිටින්නේ.
