අද රාත්රියේ විකාශය වීමට නියමිත ජනපති ජනහමුව වැඩසටහන මේ වනවිට ජනාධිපති රනිල් වික්රමසිංහ මහතාගේ ප්රධානත්වයෙන් කොළඹ ගෝල්ෆේස් හෝටලයේ පටිගත කිරීම් සිදුකරමින් තිබේ.Sri Lanka Latest News
මෙහි ඇති විශේෂත්වය වන්නේ අනෙකුත් සියලුම නාළිකාවන්ට ඒ සදහා ආරාධනා කරනු ලැබ තිබුණද හිරු නාළිකාවට පමණක් එය පැවැත්වෙන වේලාව දැනුම් දී නොතිබීමය.
මීට පෙර මෙම වැඩසටහන පිළිබදව හිරු නාළිකාවට දැනුම් දීමෙන් පසු එම නාළිකාව විසින් ඒ සදහා මාධ්යවේදී චමුදිත සමරවික්රම මහතා සහභාගී වන බව තහවුරු කොට තිබිණ.
නමුත් ඉන් අනතුරුව අදාළ සාකච්ඡාව පැවැත්වෙන වේලාවක් හෝ ඊට සහභාගී විය යුතු වේලාවක් සම්බන්ධයෙන් කිසිදු දැනුවත් කිරීමක් ජනාධිපතිවරයාගේ පාර්ශ්වයෙන් සිදු කොට නොමැති බවක් දැනගන්නට ඇත.
බොහෝ දෙනා පෙන්වා දෙන්නේ චමුදිත සමරවික්රම මහතා ඊට සහභාගී වුවහොත් ජනාධිපතිවරයා අපහසුතාවයට පත්වන යම් යම් ප්රශ්න කිරීම් සිදු කිරීමට ඉඩ ඇති බැවින් මෙසේ සාකච්ඡාවට අදාළ වේලාවන් දැනුම් දීමට පියවර ගෙන නොමැති බවකි.
ඒ අනුව මේ වනවිට හිරු නාළිකාව හැර ජාතික රූපවාහිනිය, ස්වාධීන රූපවාහිනිය, දෙරණ, ස්වර්ණවාහිනිය, සියත, සිරස ආදී අනෙකුත් සියලු නාළිකා සමග ජනපති ජනහමුව වැඩසටහන ගෝල්ෆේස් හෝටලයේදී පටිගත කෙරෙමින් පවතින බව වාර්තා වේ.
මෙම වැඩසටහන අද රාත්රියේ සියලුම නාලිකාවන්හි විකාශය කිරීමට නියමිතය.
