සමගි ජන බලවේග නායක හා විපක්ෂ නායක සජිත් ප්රේමදාස මහතාගේ වත්කම් පිළිබඳ විමර්ශනයක් අල්ලස් හෝ දූෂණ විමර්ශන කොමිසම විසින් ආරම්භ කර තිබේ.Sri Lanka Latest News
ඒ අනුව ඊට අවශ්ය තොරතුරු ලබා දෙන්නැයි එම කොමිසම විසින් කතානායක මහින්දයාපා අබේවර්ධන මහතාගෙන් ලිඛිතව ඉල්ලා තිබේ.
2017 වර්ෂයේ සිට 2023 වර්ෂය දක්වා සජිත් ප්රේමදාස මහතා මන්ත්රීවරයකු ලෙස කතානායකවරයා වෙත ඉදිරිපත් කර ඇති වත්කම් බැරකම්වල සහතික පිටපත්ද ලබාදෙන ලෙස එම ලිපියෙන් ඉල්ලා ඇත.
එම කොමිසමට ලැබී ඇති පැමිණිල්ලක් මත මෙම පරීක්ෂණ ආරම්භ කර තිබේ.
කෙසේ වෙතත් දේශපාලන ක්ෂේත්රයේ බොහෝ දෙනා පෙන්වා දෙන්නේ මෙම ක්රියාපටිපාටිය දේශපාලන මඩගැසීම අරමුණු කරගෙන ඉදිරිපත් කර ඇති එකක් බවත්, මේ ආකාරයටම එජාප නායක ගාමිණී දිසානායක මහතා 1994 ජනාධිපතිවරණයට අපේක්ෂකයකු ලෙස ඉදිරිපත් වන විටද අල්ලස් කොමිසමට අසත්ය චෝදනා ඉදිරිපත් කොට තිබිණි.
ජනාධිපතිවරණය කටේ තියා අල්ලස් කොමිසම විසින් ගාමිණී දිසානායක මහතාට එරෙහිව විමර්ශනයක් ආරම්භ කළ අතර, එවකදීද චන්ද්රිකා කුමාරතුංග රජයෙන් විශාල මාධ්ය ප්රචාරයක්ද ලබාදීමට පියවර ගෙන තිබිණි.
නමුත් ජනාධිපතිවරණයට පෙර ගාමිණී දිසානායක මහතා ඝාතනයට ලක්වූ අතර, පසු කාලයකදී සිදුකරනු ලැබූ විමර්ශනයකින් අනතුරුව අදාළ චෝදනාවෙන් ගාමිණී දිසානායක මහතා නිදහස් කිරීමට අල්ලස් කොමිසම කටයුතු කර තිබිණි.
ගාමිණීට කළ දේ සජිත්ටත්?
පසුගිය සතියේ මාධ්ය වාර්තා කොට තිබූ එක්තරා පුවතකින් කියැවුණේ සජබයේ ජනාධිපති අපේක්ෂකයා ලෙස තරග කිරීමට සූදානමින් සිටින සජිත් ප්රේමදාස මහතාට අල්ලස් කොමිසම මගින් පරීක්ෂණයක් ආරම්භ කොට ඇති බවය. 2015-2019 සමයේ සජිත් ප්රේමදාස මහතා විසින් පාර්ලිමේන්තුවට භාරදී ඇති වත්කම් බැරකම් ප්රකාශ ලබාදෙන ලෙස කතානායකවරයාගෙන් අල්ලස් කොමිසම ඉල්ලීමක් කොට ඇති බවද එම පුවතින් වැඩිදුරටත් කියැවිණි. මෙම පුවත දුටු බොහෝ දෙනකුට එක්වරටම සිහියට නැගෙන්නට වූ අනෙක් පුවත වූයේ මීට හරියටම අවුරුදු 30කට පෙර එනම් 1994දී සිදුවූ සිදුවීමකි. එම සිද්ධිය නම්, එවක එජාපයෙන් ජනාධිපති අපේක්ෂකයා ලෙස තරග බිමට පිවිසි ජනප්රියම නායකයා වූ ගාමිණී දිසානායක මහතාට එරෙහිව එවක ආණ්ඩුව අල්ලස් කොමිසම හරහා දියත් කළ විමර්ශනයකි.
1994 පැවැති මහ මැතිවරණයෙන් ජයග්රහණය කළ චන්ද්රිකා පොදු පෙරමුණු ආණ්ඩුව පිහිටුවීමෙන් අනතුරුව ජනාධිපතිවරණයට සූදානම් වූයේ සිය ප්රතිවාදී අපේක්ෂකයා වශයෙන් රනිල් වික්රමසිංහ මහතා තරගයට පිවිසෙනු ඇතැයි සිතාය. මැතිවරණ ප්රචාරක යාන්ත්රණය සම්පූර්ණයෙන්ම සකස් කොට තිබුණේ රනිල් ඉලක්ක කොටය. චන්ද්රිකාලා සිතා සිටියේ රනිල් පැමිණියහොත් ජනාධිපතිවරණය අත උඩින් චන්ද්රිකාට ජයගත හැකි වනු ඇතැයි කියාය. නමුත් චන්ද්රිකාලා අන්ද මන්ද කරමින් යළිත් එජාපය ඇතුළට පැමිණි ගාමිණී දිසානායක මහතා එජාප ජනාධිපති අපේක්ෂකත්වය ලබාගැනීමට සමත් විය. ඒ අනුව, ජනාධිපතිවරණය ජයගැනීම සඳහා ඒ අවස්ථාවේදී වැඩි ඉඩක් ගාමිණී සතුව පැවැතිණි.
එවැනි තත්ත්වයක් මතුවීමත් සමග ගාමිණී ඉලක්ක කොට ඉතා පහත් මට්ටමේ මෙහෙයුම් රැසක්ම චන්ද්රිකාගේ ආණ්ඩුවෙන් ක්රියාත්මක විය. සම්පූර්ණයෙන්ම අසත්ය මඩ ප්රචාර රැසක්ම ගාමිණී ඉලක්ක කරගෙන නිර්මාණය විය. අවසානයේදී ගාමිණීට එරෙහිව අසත්ය පැමිණිල්ලක්ද අල්ලස් කොමිසම හමුවේ ගොනුවිය. එවක අල්ලස් කොමිසමට තමන්ට හිතවත් කිහිප දෙනකු පත්කර තිබීම නිසා මේ හරහා ගාමිණීට එරෙහිව විශාල මඩක් එල්ල කිරීමට චන්ද්රිකාගේ ආණ්ඩුව සැලසුම් කොට තිබිණි. පැමිණිල්ල ලෙස ඉදිරිපත් කර තිබුණේ ආණ්ඩුවෙන් ගාමිණීට ලබාදී තිබූ වාහනයක් විකුණා ඇති බවට වූ චෝදනාවය. කෙසේ වෙතත් මෙම පැමිණිල්ල දඩමීමා කරගෙන ගාමීණීට විශාල ප්රහාරයක් එල්ල කළ අතරවාරයේ කොටි බෝම්බයෙන් ගාමිණී ජීවිතක්ෂයට පත්විය. පසුකාලීනව අල්ලස් කොමිසම මගින් සිදුකරනු ලැබූ විමර්ශනයේදී අදාළ චෝදනාවෙන් ගාමිණී නිදොස් කොට නිදහස් කිරීමට අල්ලස් කොමිසම කටයුතු කොට තිබිණි.
1994දී එජාප ජනාධිපති අපේක්ෂක ගාමිණී ඉලක්ක කොට දියත් කෙරුණු මඩ ප්රචාරය මෙසේ හදිසියේම මතක් වූයේ ඊට අවුරුදු 30කට පසු, එනම් 2024දී සජබ අපේක්ෂක සජිත් ඉලක්ක කොට අල්ලස් කොමිසමට ඉදිරිපත්ව ඇති පැමිණිල්ලක් මුල් කරගෙනය.
