ශ්රී ලංකාවේ සංචාරක ව්යාපාරයේ ප්රවර්ධනයට ශක්තියක් වෙමින් ඉන්දියාවේ කොර්ඩේලියා කෘෘස් සුඛෝපභෝගී මගී ප්රවාහන නෞකා සේවය සිය මංගල ජාත්යන්තර ගමන සනිටුහන් කරමින් ශ්රී ලංකාව බලා ගමන් ආරම්භ කර තිබේ.
ඒ අනුව මේ සුඛෝපභෝගී මගී ප්රවාහන නෞකාව ඉන්දියාවේ චෙන්නායි වරායෙන් ඊයේ (05) පිටත්ව තිබෙන අතර එම උත්සව අවස්ථාවට ඉන්දියාවේ වරාය, නාවික හා ජලසම්පාදන ඇමැති සබානන්ද සොනොවල් මහතා එක්ව ඇත.
මේ නෞකාව චෙන්නායි වරායේ සිට යාපනයට පැමිණෙන අතර මේ මංගල ගමන ආරම්භයට පෙර චෙන්නායිහි ITC Grand Chola හෝටලයේ දී වැඩසටහනක් ද සංවිධාන කර තිබිණි.
රාත්රී 3, 4 හා 5 වශයෙන් සංචාරය කිරීමේ අවස්ථාව මෙහිදී සංචාරකයන්ට උදාවන අතර මේ නෞකාව හෙට (07) ශ්රී ලංකාවට පැමිණීමට නියමිතය.
නෞකාව පිළිගැනීම වෙනුවෙන් උත්සවයක් ද සංවිධානය කර තිබෙන අතර ඒ සඳහා මෙරට රජයේ ඉහළ පෙළේ නියෝජිත පිරිසක් ද සහභාගිවීමට නියමිතයි.
India’s first cruise ship Sri Lanka Chennai Cordelia Empress
