තීරු බදු අර්බුදය මධ්යයේ ඉන්දියාව සහ අමෙරිකා එක්සත් ජනපදය ඉදිරි වසර 10 සඳහා නව ආරක්ෂක ගිවිසුමකට එළඹ තිබෙනවා.Sri Lanka Latest News
දෙරට අතර ආරක්ෂක සහයෝගීතාව තවදුරටත් ඉහළ නැංවීමේ අරමුණින්, එක්සත් ජනපද ආරක්ෂක ලේකම් පීට් හෙග්සෙත් සහ ඉන්දීය ආරක්ෂක අමාත්ය රාජ්නාත් සිං මැලේසියාවේ ක්වාලාලම්පූර් නුවර පැවති හමුවකදී නව ගිවිසුමට අත්සන් තැබුණා.
නව ආරක්ෂක ගිවිසුම මගින් ඉන්දියාවේත්, එක්සත් ජනපදයේත්, ආරක්ෂක අංශ අතර අන්තර් ක්රියාකාරීත්වය, තොරතුරු හුවමාරුව සහ තාක්ෂණික සහයෝගය ඉහළ නැංවීමට අපේක්ෂිතයි. ඉන්දීය ආරක්ෂක අමාත්ය ‘රාජ්නාත් සිං’ සඳහන් කළේ මෙම ගිවිසුම මගින් තම රට සහ එක්සත් ජනපදය අතර නව උපායමාර්ගික යුගයක් ආරම්භ වනු ඇති. බවයි.
එමෙන්ම, ඉන්දු පැසිෆික් කලාපය නිදහස් හා විවෘත කලාපයක් බවට තහවුරු කිරීමට ද මෙය උපකාරී වන බව ද ඔහු ප්රකාශ කළා.
