ශ්රි ලංකන් ගුවන් සේවයට විවාහක කාන්තාවක ගුවන් සේවිකාවක ලෙස බඳවා ගෙන ඇති බවට පැවසෙන චෝදනාව සම්බන්ධයෙන් සොයා බැලීමට කමිටුවක් පත්කරන බවට ගුවන් සේවා අමාත්ය නිමල් සිරිපාල ද සිල්වා කළ ප්රකාශයක් සම්බන්ධයෙන් ශ්රී ලන්කන් සේවකයෝ විමතිය පළ කරති.
වසරකට ඇමෙරිකානු ඩොලර් බිලියන 200 ඉක්මවා පාඩුවක් ලබන මෙම ආයතනයේ ලාබදායී බව ඉහළ නැංවීම පසෙක තබා කාන්තාවකගේ විවාහක අවිවාහක බව සෙවීමට කාලය සහ මුදල් වැය කරමින් කමිටුවක් පත්කිරීම අනවශ්ය බවත්, එය ඉතා සරලව සමාගමේ මානව සම්පත් අංශය හරහා සිදු කළ හැකි බවත් ඔවුහු පෙන්වා දෙති.
ශ්රී ලන්කන් ගුවන් සේවයට ගුවන් සේවිකාවක් ලෙස විවාහක කාන්තාවක බඳවාගෙන ඇතැයි පාර්ලිමේන්තුවේදී පසුගියදා විපක්ෂය චෝදනා කළ අතර, අවශ්ය නම් ඒ පිළිබඳ සොයා බැලීමට කමිටුවක් පත්කළ හැකි බවයි ඊට පිළිතුරු දෙමින් අමාත්ය නිමල් සිරිපාල ද සිල්වා මහතා ප්රකාශ කළේ.
lankasara
