පන්දුවාර 20 යි 20 ලෝක කුසලාන ක්රිකට් තරගාවලියේ ශ්රී ලංකා පිළ සහ එංගලන්ත කණ්ඩායම අතර තවත් තීරණාත්මක තරගයක් සාජා හිදී අද රාත්රීයේ පැවැත්වීමට නියමිතය.
එම තරගය මෙරට වේලාවෙන් අද රාත්රී 07.30 ට ආරම්භ වන අතර අවසන් පූර්ව වටය පිළිබඳ බලාපොරොත්තු රඳවා ගැනීමට නම් ශ්රී ලංකා කණ්ඩායම අද පැවැත්වෙන තරගය සහ ලබන 04 වනදා බටහිර ඉන්දීය කොදෙව් කණ්ඩායම සමග පැවැත්වෙන තරගය අනිවාර්යයෙන්ම ජයගත යුතුව ඇත.
කෙසේවෙතත් ශ්රී ලංකා කණ්ඩායම එම තරග 02 ජය ගත්ත ද, පළමු කාණ්ඩයේ සෙසු කණ්ඩායම්වල තරග ප්රථිඵල ද ශ්රී ලංකා පිළේ ඉදිරි ගමනට බලපානු ඇත.
ශ්රී ලංකා කණ්ඩායම මේවනවිට පළමු කාණ්ඩයේ ප්රසාද ලකුණු සටහනේ සිව්වන ස්ථානයේ පසුවන්නේ සහභාගී වූ තරග 03 න් එක් තරගයක් ජයගෙන ප්රසාද ලකුණු 02 ක් හිමිකර ගනිමිනි.
එංගලන්ත කණ්ඩායම අද තරගය ජයගත හොත්, ඔවුන් අවසන් පූර්ව වටයට සුදුසුකම් ලබාගනු ඇත.
