සභානායක බිමල් රත්නායක විසින් පසුගිය 14 දිනයේදී පාර්ලිමේන්තුවට ඉදිරිපත් කළ බටලන්ද කොමිෂන් සභා වාර්තාව පිළිබඳව බොහෝ පාර්ශ්වවල දැඩි අවධානය යොමු වී තිබෙනවා.
බටලන්ද කොමිසම හමුවේ සාක්ෂි ලබා දුන් 35 වැනි සාක්ෂිකරු හිරු ප්රවෘත්ති සමග සිය මතකය අවදි කළේ එවන් පසුබිමකයි.
1988 ජනවාරි 01දින සිට 1990 දෙසැම්බර් 31 දක්වා කාලයේ රජයේ පොහොර සමාගමට අයත් බටලන්ද නිවාස සංකීර්ණයේදී එවක පැවති රජය විසින් නීත්යානුකූල නොවන ආකාරයට පුද්ගලයින් රඳවා තබා ගැනීම මෙන්ම ඝාතනය කිරීම, කෲර වධ හිංසාවට ලක් කරමින් වදකාගාරයක් පවත්වාගෙන ගිය බවට එක්සත් ජාතික පක්ෂය ප්රමුඛ එවක ආණ්ඩුවට දැඩි චෝදනා එල්ල වුණා.
එවක පාලනය බිඳ වැටීමටද බටලන්ද වදකාගාරය ප්රබල සාධකයක් වූ අතර, 1994දී බලයට පත්වූ චන්ද්රිකා බණ්ඩාරනායක රජය බටලන්ද වධකාගාරය සම්බන්ධයෙන් පූර්ණ බලැති ජනාධිපති කොමිෂන් සභාවක් පත් කළේ මැතිවරණ වේදිකාවේ ලබා දුන් ප්රධාන පොරොන්දුවක් ඉටු කරමින්.
hirunews
