වත්මත් රජය ක්රියාත්මක කරන්නේ දේශපාලන පික්පොකට් න්යාය බවත් රටේ ජනතාවගෙන් දුප්පත් ජනතාවගෙන් ගල් අගුරුවලින් විදුලි බිලෙන් පවා පික්පොකට් ගසමින් යන බවත් අද වන විට ශ්රි ලංකා තක්සේරුකරුවන්ගේ ආයතනය සතු මිල කිරිම ඇගයීම යන වෘත්තීයට පවා පික්පොකට් ගහන අණපනත් පාර්ලිමේන්තුවට ඉදිරිපත් කිරිම ලැජ්ජා සහති බවත් මේ පික්පොකට් දේශපාලනයට ආයුෂ අඩු බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය. Sri Lanka Latest News
ඉදිරියේ දී වත්මන් රජය නොහැකියාව නිසා දැවැන්ත ආර්ථික අර්බුධයක් නිර්මාණය වන බවත් දැන්වත් පික්පොකට් දේශපාලනය ක්රියාත්මක නොකර බොරුවෙන් වංචාවෙන් මුසාවෙන් මුලාවෙන් රට පාලනය කරනවා වෙනුවට රටට ජනතාවට පොරොන්දු වූ දේ ක්රියාත්මක කරන ලෙස රජයෙන් ඉල්ලා සිටින බවත් විපක්ෂ නායකවරයා පැවසීය.
වැඩිහිටියන්ගේ 15% පොලී ආදායමත් අද නැහැ
පැය 24ම රජය බොරුව ඇන්දවිල්ල රැවටිල්ල තුළ ඔවුන්ගේ අසාර්ථක රාජ්ය පාලනය ක්රියාත්මක කරන මොහොතක අද ලක්ෂ ගණනින් විශ්රාමිකයන් වැඩිහිටියන් අසරණ වී ඇති බවත් එදා ලක්ෂ 15 තැන්පතුවට 15%ක විශේෂිත පොලී ආදායමක් ලැබුණු බවත් වත්මන් රජය බලයට පත් වූයේ මේ වැඩිහිටි පරපුර සුරක්ෂා කරනවා කියා වුවත් මේ 15% පොලි ප්රතිශතය අද 7% දක්වා අඩු කර ඇති බවත් මේ නිසා දැවැන්ත අසහනයකට වැඩිහිටි ජනතාව පත් කිරිමට මේ රජය කටයුතු කර ඇති බවත් විපක්ෂ නායකවරයා පැවසීය.
රට බේරාගත් රණවිරුවන් පවා මේ රජය රැවටුවා
එසේම රට ආරක්ෂා කරන්න සිටින විරෝදාර රණවිරුවන්ට ත්රිවිධ හමුදාවට පොලිසියට සිවිල් ආරක්ෂක ක්ෂේත්රයට සහ ආරක්ෂක අංශවලට ලැබිය යුතු වරප්රසාද කප්පාදු කර ඇති බවත් ආබාධිත රණවිරුවන්ට පොරොන්දු වූ වරප්රසාද දිමනා කිසිවක් නොලැබෙන බවත් තමන්ගේ බල ප්රදේශයේ සේවා කරපු සිවිල් ආරක්ෂක නිලධාරින් දුර ඈත පළාත්වලට මාරු කර යවා ඇති බවත් මේ රජය වැඩිහිටියන් මෙන්ම ආරක්ෂක අංශද රවටා ඇති බවත් විපක්ෂ නායක සජිත් ප්රේමදාස මහතා අද පාර්ලිමේන්තුවේදී පැවසීය.
ඇමෙරිකානු ප්රතිචාරක බදු අඩු කර ගන්න රජයට කිසිම වුවමනාවක් නෑ
ඇමෙරිකා එක්සත් ජනපදය සහ ඉන්දියාව අතර ඇති කර ගත් වෙළෙද ගිවිසුම හරහා ඉන්දියාවේ ප්රතිචාරක තීරුබදු 50% සිට 18% දක්වා අඩු කළත් ශ්රී ලංකාවට පවා 20%ක තීරු බද්ධක් ගෙවීමට ඇති බවත් මේ නිසා ඇමෙරිකා එක්සත් ජනපදයේ අපනයන ගමනාන්තවලට තරගකාරිත්වය ගැන බරපතල ගැටලු මතුවන බවත් ඇ. එක්සත් ජනපදය බංග්ලාදේශයට ලබා දෙන ප්රතිචාරක තීරුබදු යම් හෙයකින් 18%ට අඩු කළහොත් වන බලපෑම සිතාගත නොහැකි බවත් මේ ගැන රජය උත්තර සැපයිය යුතු බවත් විපක්ෂ නායකවරයා පැවසීය.
ගල් අගුරුවලිනුත් විශාල වංචාවක් රජය සිදු කළා
බොරු කියා තම පැවැත්ම ගෙන යන රජය මේ වන විට ගල් අගුරුවලින් විශාල වංචාවක් සිදු කර ඇති බවත් මොවුන් ගල් අගුරුවලින් කොමිස් ගහන විට වීදි ලාම්පුවල මිලත් ජනතාවට ගෙන්න සිදුවන බව පවසන බවත් මීට පෙර මේ වීදී ලාම්පු බිල ගෙව්වේ පළාත් පාලන ආයතන මිස ජනතාව නොවන බවත් මේ වන විට වීදි ලාම්පු බිල පවා ජනතාව පිට පටවන ලද්දේ IMF කොන්දේසි මත ද කියා දැන ගැනීමට අවශය බවත් විපක්ෂ නායකවරයා මෙහි දී ප්රශ්න කළේය.
මේ රජය IMF එකේ වහල්ලු
IMF එකෙන් ලබා දෙනවා කියූ වාරිකය තවමත් නොමැති බවත් දැන් IMF දූත පිරිසක් ලංකාවට ආවත් මේ වාරිකය ගැන සදහනක් නැති බවත් මේ වරිකය නොලැබෙන්නේ IMF උපදෙස් පරිදි විදුලි බිල 11.57%කින් වැඩි නොකරන නිසාද කියා ගැටලුවක් ඇති බවත් එදා බලයට ආවේ IMF ගිවිසුම වෙනස් කරනවා කියා වුවත් මේ රජය අද IMF එකේ වහලුන් බවට පත්ව ඇති බවත් විපක්ෂ නායකවරයා පැවසීය.
බුදුදහමට මහා සංඝරත්නයටත් අපහාස කරන්න එපා
එසේම සම්බුද්ධ ශාසනයට නිග්රහ කරමින් මහා සංඝරත්නයට නිග්රහ කරමින් මහා සංඝරත්නය වනචාරීන් ලෙස අර්ථකථනය කරන ආණ්ඩුවක් සිටින බවත් දැන්වත් සම්බුද්ධ ශාසනය එක්ක මෙවැනි සෙල්ලම් නොකරන ලෙස රජයෙන් ඉල්ලා සිටින බවත් දැන්වත් රජය ආණ්ඩුක්රම ව්යවස්ථාව කියවා සම්බුද්ධ ශාසනයට සහ සෙසු ආගම් ජාතීන්ට ඇති තැන සොයා බලන ලෙසත් ජාතිවාදය ආගම්වාදය අවුස්සා මේ රාජ්ය පාලනය ක්රියාත්මක කරන්න නොහැකි බවත් විපක්ෂ නායකවරයා මෙහි දී පැවසීය.
