සෞඛ්ය හා ජනමාධ්ය අමාත්යාංශයේ පුරප්පාඩු තනතුරු සියල්ල සඳහා නවක නිලධාරීන් බඳවා ගැනීම සීමාකර ඇති බැවින් විදේශීය සහ දේශීය නිවාඩු අනුමත කිරීම නැවත දැනුම් දෙනතුරු තාවකාලිකව නතර කිරීමට සිදුවන බවට අමාත්යාංශ ලේකම් විශේෂඥ වෛද්ය අනිල් ජාසිංහ විසින් චක්රලේඛයක් නිකුත් කර ඇත.Sri Lanka Latest News
සෞඛ්ය හා ජනමාධ්ය අමාත්යාංශයේ කාර්ය මණ්ඩලය නිවාඩු ලබා ගැනීම හේතුවෙන් අමාත්යාංශයේ රාජකාරි ස්වභාවය මත අත්යවශ්ය වූ රාජකාරි අඛණ්ඩව පවත්වාගෙන යාමට අපහසුවී ඇතැයිද එහි දැක්වේ.
පසුගිය ආර්ථික අර්බුද පැවැති කාලයේදී රජයේ සේවකයන්ට වසර පහක නිවාඩු ලබා විදෙස් රැකියාවල නිරතවීමට අවස්ථාව ලබාදුන් අතර, මෙම චක්රලේඛය අනුව මෙලෙස නිවාඩු ලබාදීම අවලංගු කර තිබේ.
එමෙන්ම, දැනට වසර පහක නිවාඩු ලබා විදෙස් රැකියාවල නිරත වූවන්ට, නැවත නිවාඩු කාලය දීර්ඝ නොකිරීමටද සෞඛ්ය අමාත්යාංශය තීරණය කර ඇත.
රජයේ ප්රවෘත්ති දෙපාර්තමේන්තුවේ ඊයේ (19 වැනිදා) පැවැති කැබිනට් තීරණ දැනුම්දීමේ මාධ්ය හමුවේදී මේ සම්බන්ධව මාධ්යවේදීන් රජයේ කැබිනට් මාධ්ය ප්රකාශක සෞඛ්ය හා ජනමාධ්ය ඇමැති වෛද්ය නලින්ද ජයතිස්ස ගෙන් කරන ලද විමසීමකදී කියා සිටියේ වසර පහක නිවාඩු ලබා විදෙස් ගතවූ සෞඛ්ය ක්ෂේත්රයේ පිරිස යළි කැඳවීමට සෞඛ්ය අමාත්යාංශය අවධානය යොමුකර තිබෙන බවත්, පසුගිය කාලයේදී පැවැති ආර්ථික ප්රශ්න, දේශපාලන අස්ථාවරභාවය නිසා ඔවුන් යළි රටට පැමිණීම වැළකී තිබූ බවය.
මේ වනවිට ක්රමානුකූලව එම පිරිස මෙරටට පැමිණීම වැඩිවී තිබෙන බවත්, ඔවුන්ට රැකියා ස්ථානයේ පහසුකම් සැලසීම සම්බන්ධව යළි සලකා බලමින් සිටින බවත් ඔහු පැවසීය.
සෞඛ්ය සේවකයන්ට විදෙස් ගතවීමට පැනවූ තහනම අත්තනෝමතික, අදූරදර්ශී තීරණයක් බව සමස්ත ලංකා හෙද සංගමය චෝදනා කරන්නේය. සෞඛ්ය ලේකම්වරයාගේ හිතුවක්කාරී තීරණය මෙරට සමස්ත රෝහල් පද්ධතිය ජාතික ප්රතිශක්තීකරණ වැඩ සටහන, රෝගී සත්කාර සේවා ඇතුළු සියලුම සේවාවන් තවදුරටත් බිඳ වැටීමට බලපාන බව එහි සභාපති රවීන්ද්ර කහදවආරච්චි පැවසීය.
ඉකුත් වසරේදී (2024) විශේෂඥ වෛද්යවරුන්, වෛද්යවරුන් සහ හෙද හෙදියන් 1118කුට සේවය හැර විදේශගතවී රුකියා කරන බවද ඔහු කීවේය.
විශේෂඥ වෛද්යවරුන්, වෛද්යවරුන්, හෙද හෙදියන් නොදන්වා සේවය හැර විදේශ ගතවී රුකියා කරන බවත්, ඉකුත් 2023 වසරේදී හෙද නිලධාරීන් 592ක් සහ 2024 වසරේදී තවත් හෙද නිලධාරීන් 592 කු සේවය හැර ගොස් සිටින බවත් ඔහු පැවසීය.
පසුගිය වසරේදී (2024) වැටුප් රහිත නිවාඩු ලබාගෙන හෙදි නිලධාරීන් 487ක්, වෛද්යවරුන් 388ක්, නොදන්වා සේවය හැර ගිය වෛද්යවරුන් 217ක්, නොදන්වා සේවය හැර ගිය විශේෂඥ වෛද්යවරුන් 26, නිවාඩු ගෙන විදේශ ගතවූ විශේෂඥ වෛද්යවරුන් 22ක් සිටින බවත් ඔහු වැඩිදුරටත් පැවසුවේය.
