මේවන විට ශ්රී ලංකාව මුහුණ පා සිටින දැවැන්ත ආර්ථික අර්බුදයෙන් මිදීමට සහාය ලබාදීමට ඉන්දියාව විසින් හදිසි ආධාර පැකේජයක් සකස් කරමින් සිටින බව ඉන්දියාවේ ඉකොනොමික්ස් ටයිම්ස් පුවත් පත වාර්තා කර සිටී.
ආහාර හා සෞඛ්ය සුරක්ෂිතතාව, බලශක්ති සුරක්ෂිතභාවය සහ විනිමය හුවමාරු ඇතුළු ක්ෂේත්ර කිහිපයක් ආවරණය වන පරිදි මෙම ආධාර පැකේජය සකස් කෙරෙන බව එහි වැඩිදුරටත් සඳහන් කර ඇත.
ඒ අනුව පළමුව ඖෂධ සහ අත්යවශ්ය ආහාර ද්රව්ය ලබා ගැනීම සදහා ශ්රී ලංකාවට ණය පහසුකම් සැලසීමට ඉන්දියාව ඉදිරිපත්ව සිටියි.
දෙවැන්න වන්නේ, ඉන්ධන සැපයුම අඛණ්ඩව පවත්වාගෙන යාම සදහා ඉන්දියාව ලබා දීමට සූදානමින් සිටින ඩොලර් බිලියනයක ණය පහසුකමයි.
තුන්වැන්න වන්නේ, ශ්රී ලංකාව මුහුණ දී සිටින දැවැන්ත විදේශ විනිමය අර්බුධයෙන් ගොඩ ඒම සදහා ඩොලර් මිලියන 400ක ස්වැප් ණය පහසුකමක් ලබා දීමට ඉන්දියාවට ඉදිරිපත්ව සිටීමයි.
සිව්වැන්න, ලංකාව තුළ ආයෝජන අවස්ථා සදහා ඉන්දීය ව්යාපාරිකයන් යොමු කර වීමයි.
මේ සම්බන්ධයෙන් ඉන්දීය සහ ශ්රී ලංකා මුදල් අමාත්යවරු අතර සාකච්ඡුා සිදු වෙමින් පවතින අතර, මෙම සාකච්ජා සාර්ථක වීමේ අවස්ථාව ඉහළ මට්ටමක පවතින බව ඉන්දීය මාධ්ය වාර්තා කරයි.
නොබෝදා දියත් වූ මුදල් අමාත්ය බැසිල් රාජපක්ෂ මහතාගේ ඉන්දියානු සංචාරයෙන් පසුව මෙම පියවර ගෙන ඇති බව ඉකොනොමික්ස් ටයිම්ස් වැඩිදුරටත් වාර්තා කර සිටී.
කෙසේවෙතත් මේ සදහා ඉන්දියාව පාර්ශ්වයෙන් කොන්දේසී ගණනාවක් ඉදිරිපත් කිරීමට නියමිත බවද දැනගන්නට ඇත.
