මානව හිමිකම් පිළිබඳ ක්රියාකාරිනියක සහ දකුණු අප්රිකානු නීතිඥවරියක මෙන්ම ජාත්යන්තර සත්යය සහ යුක්තිය පිළිබඳ ව්යාපෘතියේ (ITJP) විධායක අධ්යක්ෂ යස්මින් සූකා එල්.ටී.ටී.ඊ. ත්රස්තවාදීන් සමඟ සබඳතා පවත්වන බවට කළ අසත්ය චෝදනා හේතුවෙන් බ්රිතාන්යයේ සිංහල ජනතාව අතර ප්රකට නීතිඥයකු වන ජෙයරාජ් පළිහවඩනට යස්මින් සූකාගෙන් ප්රසිද්ධියේ සමාව ගන්නා ලෙස බ්රිතාන්ය උපරිමාධිකරණය ඊයේ (13) දින නියෝග කළේය.
එමෙන්ම ජෙයරාජ් ඇයට සැලකිය යුතු මුදලක් වන්දියක් ලෙස ගෙවීමටද ඔහු එකඟ වී ඇති බව ITJP ආයතනය ප්රකාශ කරයි.
ජෙයරාජ් පලිහවඩන මෑතක් වන තුරුම ජනතා විරෝධය මැද පළාගිය ගෝඨාභය රාජපක්ෂ ජනාධිපතිවරයාගේ බ්රිතාන්ය නියෝජිතයා ලෙස කටයුතු කළ අතර යස්මින් සූකාට විරුද්ධව පළකළ අසත්ය ප්රකාශ සම්බන්ධයෙන් අධිකරණය ඉදිරියේ ප්රසිද්ධියේම සමාව ඉල්ලා ඇත.
තහනම් ත්රස්තවාදී සංවිධානයකට වාසි සැලසෙන ආකාරයෙන් පක්ෂග්රාහී ලෙස කටයුතු කරන බවට යස්මින් සූකාට චෝදනා කර ඇති පලිහවඩන, සූකා විසින් කරනු ලබන ප්රකාශ අසත්ය බවට සඳහන් කරමින් එක්සත් ජාතීන්ගේ ජිනිවාහි රාජ්යතාන්ත්රික දූත මණ්ඩල 47කට වාර්තාවක් 2021 වසරේ යවා ඇත.
මෙම වාර්තාවේ පවතින අසත්ය කරුණු නිසා තමන්ට සිදුවූ අපකීර්තිය හේතුවෙන් තමන් සම්බන්ධ අසත්ය පෞද්ගලික තොරතුරු පළකිරීම අභියෝගයට ලක් කර යස්මින් සූකා දත්ත ආරක්ෂණ පනත යටතේ බ්රිතාන්ය උපරිමාධිකරණයේ නඩුවක් ගොනු කොට තිබේ.
මෙම නඩුවෙන් පරාජය වූ නීතීඥ පළිහවඩන, යස්මින් සූකාට විරුද්ධව අසත්ය ප්රකාශ සිදුකිරීම ගැන විවෘත අධිකරණයේදී සමාව ඉල්ලා සිටියේය.
එම සමාව අයැදීමේ අවංකභාවය ගෙනහැර දැක්වීම පිණිස එම වාර්තාවලින් පැමිණිලිකාරිය පත්වූ චිත්ත පීඩාවට සහ ඇගේ කීර්තිනාමයට සිදුවූ හානියට වන්දි වශයෙන් ඇයට විශාල මුදලක් ගෙවන්නට වගඋත්තරකරු එකඟ වී ඇත.
අදාළ වන්දි මුදල ලැබීමෙන් පසුව යස්මින් සූකා එම මුදල් භාවිත කරමින් ශ්රී ලංකාවේ මානව හිමිකම් හේතුවෙන් පීඩාවට පත්වූවන් වෙනුවෙන් අරමුදල් පිහිටුවීමට සූදානම් බව ද ITJP පවසයි.
lankasara
