පාර්ලිමේන්තුවේ නියෝජ්ය කථානායක ධුරයෙන් සහ නියෝජ්ය කාරක සභා සභාපති ධුරයෙන් ඉවත් නොවන්නැයි ජනාධිපති ගෝඨාභය රාජපක්ෂ මහතා ශ්රී ලංකා නිදහස් පක්ෂයෙන් ඉල්ලීමක් කර ඇත.
ජනාධිපතිවරයා ශ්රී ලංකා නිදහස් පක්ෂයේ පාර්ලිමේන්තු කණ්ඩායම ඊයේ(05) රාත්රියේ කොටුව ජනාධිපති මන්දිරයේ දී හමුවූ අවස්ථාවේ මෙම ඉල්ලීම කර ඇත.
එහෙත් එම තනතුරු දෙකෙන් ද ශ්රී ලංකා නිදහස් පක්ෂය ඉවත් වීමට තීරණය කර ඇතැයි ශ්රීලනිපයේ මන්ත්රීවරුන් එහිදී ප්රකාශ කර ඇත.
පාර්ලිමේන්තුවේ නියෝජ්ය කතානායක වරයා රන්ජිත් සියඹලාපිටිය මහතා කටයුතු කළ අතර ,නියෝජ්ය කාරක සභා සභාපතිවරයා ලෙස අන්ගජන් රාමනාදන් මහතා කටයුතු කළේය.
ශ්රී ලංකා නිදහස් පක්ෂයේ පක්ෂය ආණ්ඩුවෙන් ඉවත් වී ස්වාධීන කණ්ඩායමක් ලෙස කටයුතු කිරීමට තීරණය කිරීමත් සමග, මෙම තනතුරු දෙකෙන් ද ඉවත්වීමට ශ්රීලනිපය තීරණය කළේය .
මේ සම්බන්ධයෙන් ඊයේ රාත්රී සිය ෆේස්බුක් පිටුවේ සටහනක් තබමින් හිටපු ජනාධිපති මෛත්රීපාල සිරිසේන මහතා කියා තිබුණේ, ‘ශ්රි ලංකා නිදහස් පක්ෂයේ මන්ත්රීවරුන් 14 දෙනා පාර්ලිමේන්තුව තුල ස්වාධීන විමට ගත් තීරණයේ කිසිදු වෙනසක් නොමැත.’ යනුවෙනි.
