ක්රීඩා අමාත්ය ධුරය ලබාදෙන්නේ නම් එම අභියෝගය භාරගැනීමට තමා සූදානම් බව නුවරඑළිය දිස්ත්රික් පා.ම. එස්.බී. දිසානායක පැවැසීය.Sri Lanka Latest News
එම අභියෝගය භාරගැනීමට සූදානම් වන්නේ එය භාරදෙන්නේ නම් පමණක් බවත්, එහි අදහස තමන් රොෂාන් රණසිංහ අමාත්යවරයා ඉවත් කිරීම සුදුසුය යන මතය දැරීම නොවන බවත්, හෙතෙම අවධාරණය කළේය.
ක්රීඩා අමාත්ය ධුරය ලබාදුන්නද එම අමාත්යාංශය සමග අධ්යාපන අමාත්යාංශයත් ලබාදිය යුතු බවත් පෙන්වා දෙන මන්තීවරයා එය එසේ විය යුත්තේ ක්රීඩාවේ තවාන අධ්යාපනය හෙවත් පාසල බැවින් යැයිද වැඩිදුරටත් සඳහන් කළේය.
එස්.බී. දිසානායක පාර්ලිමේන්තු මන්ත්රීවරයා මේ බව සඳහන් කළේ ඇතැම් මාධ්යවල මෙන්ම සමාජ මාධ්ය හරහා තමාට ක්රීඩා අමාත්ය ධුරය ලබාදීමට රජය සූදානම් බවට යන ප්රචාර සම්බන්ධයෙන් විශේෂ ප්රකාශයක් කරමිනි.
මෙහිදී තවදුරටත් කරුණු පැහැදිලි කළ එස්.බී. දිසානායක මන්ත්රීවරයා.
‘දැන් මේ රටේ ක්රීඩාව අභියෝගයක් තමයි. නමුත් මේ අභියෝගය දුන්නොත් භාරගන්නවා. ඇත්තටම මේ රටේ ක්රීඩකයන්ට පව් කියලා කියන්න තමයි දැන් තියෙන්නේ. ක්රිකට් ක්රීඩකයෝ ගත්තත් මලල ක්රීඩකයෝ ගත්තත් අනෙක් ක්රීඩකයෝ ගත්තත් පව්.
මගේ කාලයේ ක්රිකට් ලෝක කුසලානය” ඔලිම්පික් පදක්කම්, ආසියානු රන් පදක්කම් 11ක් ගත්තා පමණක් නොව කවදාවත් දිනලා නොතිබුණු ආසියානු නෙට්බෝල් කුසලානය පවා ලබාගත්තා. නෙට්බෝල්වලින් චීනෙටත් ගහලා, ජපානෙටත් ගහලා, සිංගප්පූරුවටත් ගහලා නෙට්බෝල්වලින් ලංකාවට චැම්පියන් වුණා. එහෙම ක්රීඩා ඉතිහාසයක් තියෙන්නේ අපිට. මේ තැනට නැවත ගෙන ඒම අපහසු නෑ. ඒ සඳහා හොඳ සැලැස්මක් හොඳ නායකත්වයක් දිය යුතුයි. දැක්මක් ඇතුව, සැලැසුමක් ඇතුව පුහුණුවීම් හරියට කරනවා නම් මේක මහා ලොකු දෙයක් නෙවෙයි…’
‘මේ වන විටත් මගේ හඟුරන්කෙ ගෙදර නැවතිලා ලංකාවේ ප්රධාන ජයග්රාහී මලල ක්රීඩකයෝ කීප දෙනෙක් ලවර්ස්ලීප්වල හයිඇටිටියුඩ් සඳහා පුහුණුවීම් කරනවා. කේ.ජී. බද්රා සහ සුනිල් ගුණවර්ධන ගෙනත් දැනට පුහුණුවීම් කරනවා. අමාත්ය දුරය නැතත් මේ වන විටත් මම ඒ විෂයට උදව් කරනවා.’
‘මේ පහසුව තියෙන්නේ ලෝකයේ රටවල් කිහිපයකට පමණයි. අපි උසින් දෙවැනි වෙන්නේ කෙන්යාවට විතරයි. ලවර්ස්ලිප්වල ට්රැක් එකක් හදලා තිබුණා. ඒකට අර්ජුනලා, සුසන්තිකාලා, දර්ශලා පවා ආවා. ප්රංශයේ දෙකක්, ජර්මනියේ දෙකක්, ඇමෙරිකාවේ දෙකක්, එංගලන්තයේ දෙකක් ආදී වශයෙන් මේ පහසුකම තියෙනවා. ගල් කඳු, පඩි නගින මේ තත්ත්වය හේතුවේන මේ ක්රීඩකයන්ගේ හිමොග්ලොබින් ප්රමාණය වැඩිවෙනවා. මෙය ක්රීඩාවට අවශ්ය වුණත් වෙනත් රටවල දරුවන්ට ඒ සඳහා තවත් රටවලට යන්න වෙලා තියෙනවා. මේ හැම දෙයක්ම ක්රීඩාවේ බැලිය යුතුයි.’
මේ දවස්වල මම ළඟ සමස්ත ලංකා ශූරයෙක් ඉන්නවා. හමුදාවේ සේවය කරන ඔහුගේ පඩියෙන් භාගයක් යවනවා තමන්ගේ අම්මට. එහෙම පෝෂණයක් ක්රීඩකයෙක්ට ගන්න බෑ. මම සුසන්තිකා, දර්ශා, සුගත් තිලකරත්න යන ක්රීඩකයන්ට එක් අයකුට ඒ දවස්වල පෝෂණය වෙනුවෙන් රුපියල් ලක්ෂයක් විතර වියදම් කළා…’
