දිවයින පුරා විවිධ ප්රදේශවලින් ගෑස් ආශ්රිත පුපුරා යාම් වාර්තා වීමත් සමග, ඒ පිළිබදව සොයා බැලීම සදහා විෂයභාර අමාත්යවරයාගේ ප්රධානත්වයෙන් පාර්ලිමේන්තු උපදේශන කාරක සභාවක් පසුගිය දා පත් කරන ලදී.
ඒ සදහා පක්ෂ විපක්ෂ බොහෝ මන්ත්රීවරු සහභාගී වූ බව ද පැවසේ.
මෙම උපදේශන සභාව සදහා, පාරිභෝගික සේවා අධිකාරියේ හිටපු විධායක අධ්යක්ෂක තුෂාන් ගුණවර්ධන මහතාට ද ආරාධනා ලැබී තිබුණි.
ඔහු සහ තවත් විශේෂඥයෙකු මේ සදහා සහභාගී කර ගන්නා ලෙස ඉල්ලා සිටියේ විපක්ෂනායක සජිත් පේ්රමදාස විසිනි.
මෙම පාර්ලිමේන්තු උපදේශන කාරක සභාව පසුගිය බදාදා දිනයේ පෙරවරු නමයට රැස් වී තිබුණි.
එහි දී ඔවුන් ගත් තීරණය ඊයේ දිනයේ දී එනම බ්රහස්පතින්දා දිනයේ දී පාර්ලිමේන්ුතුවට ලබා දෙන බව පවසා තිබුනද, එම වාර්තා සභාගත වීමක් හෝ මාධ්යය ඔස්සේ ජනගත කිරීමක් හෝ සිදු නොවුණි.
මේ අතර, අදාල පාර්ලිමේන්තු උපදේශන කාරක සභාවට සහභාගී වූ, පාරිභෝගික සේවා අධිකාරියේ හිටපු විධායක අධ්යක්ෂකවරයා පවසන්නේ, එම උපදේශන කාරක සභාව වැඩකට නැති එකක් බවයි.
එහිදී කිසිදු දෙයක් පිළිබදව බරපතල ලෙස සාකච්ඡුා නොවුණු බවත්, සිද්ධ වූයේ, වැරැද්ද ගෑස් සමාගම් වෙතින් ගෑස් පාරිභෝගිකයන් දෙසට විතැන් කිරීමට උත්සාහ දැරීම බවත් ඔහු පවසයි.
තමන්ට පවා අදහස් ප්රකාශ කිරීමට ලැබුණේ ඉතා සීමිත ඉඩක් පමණක් බවද ඔහු පවසයි.
එමෙන්ම මෙම ගෑස් පිපිරීම් සැලසුම් කළ මහා අපරාධයක් බවත්, ඊට සම්බන්ධ සියලු දෙනා හට දඩුවම් ලබා දිය යුතු බවත් හෙතෙම පෙන්වා දුන්නේය.
තමන් එදා මෙම අපරාධයට නඩු දැමීමට උත්සාහ කළ බවත්, බන්දුල සහ ලසන්ත යන අමාත්යවරුන් එදා තමන් වැළැක්වූ බවත් හෙතෙම කියා සිටියේය.
පාර්ලිමේන්තු උපදේශන කාරක සභාවට සහභාගී වී කාලය නාස්ති වීමක් පමණක් බවටද ඔහු චෝදනා කරයි.
