හිටපු පාර්ලිමේන්තු මන්ත්රී අජිත් මාන්නප්පෙරුම මහතා රනිල් වික්රමසිංහ මහතා ජනාධිපති ලෙස පත්කළ යුතුයි කියන මතයේ සිටි බවත් සජිත් ප්රේමදාස මහතාගේ ජයග්රහනය වෙනුවෙන් ජනාධිපතිවරණයේදී සක්රීය දායකත්වයක් ලබා නොදුන් බවත් සමගි ජනබලවේගයේ ගම්පහ දිස්ත්රික් නායක හිටපු පාර්ලිමේන්තු මන්ත්රී හර්ෂණ රාජකරුණා මහතා පැවැසීය. (Sri Lanka Latest News)
එවැනි තත්ත්යක් තුළ සමගි ජන බලවේගය අජිත් මාන්නප්පෙරුම මහතාට නාමයෝජනා ලබාදෙන්න කටයුතු කළ බවත් හර්ෂණ රාජකරුණා මහතා සඳහන් කළේය.
පරදින බව දන්න නිසා ඔහු මහමැතිවරණයට තරඟ කිරීමෙන් ඉවත්ව ඇති බවත් සමගි ජන සන්ධාන කාර්යාලයේදී පැවැති මාධ්ය හමුවට එක්වෙමින් ඔහු පැවසීය.
එහිදී තවරටත් අදහස් දැක්වූ හිටපු පාර්ලිමේන්තු මන්ත්රී හර්ෂණ රාජකරුණා මහතා මෙසේද කීවේය.
“අජිත් මාන්නප්පෙරුම මහතා රනිල් වික්රමසිංහ මහතා රටේ ජනාධිපති කරවන්න තමයි මුල ඉදලම කටයුතු කළේ. සජිත් ප්රේමදාස මහතාගේ ජයග්රහණය වෙනුවෙන් අජිත් මාන්නප්පෙරුම මහතා සක්රීයව දායකත්වය ලබා දුන්නේ නැහැ. නමුත් සමගි ජන බලවේගය අජිත් මාන්නප්පෙරුම මහතාට නාමයෝජනා ලබාදීමට කටයුතු කළා. නාමයෝජනා භාරදීලා ඡන්දය ඉල්ලන්න නොහැකි බව ඔහු ප්රකාශ කිරීම රනිල් වික්රමසිංහ මහතාගේ කුමන්ත්රණයේ දිගුවක් ලෙස තමයි අපි දකින්නේ.”
lankadeepa
