ගාල්ල හා මාතර දිස්ත්රික්කවලට ඊයේ (05) රාත්රී සිට ඇද හැළෙන අධික වර්ෂාවත් සමග නිල්වලා ගඟ ප්රදේශ කිහිපයකින් පිටාර මට්ටමට පැමිණ තිබේ.
ඒ හේතුවෙන් පහත්බිම් රැසක් ජලයෙන් යටව ඇති බව වාර්තා වේ.
අකුරැස්ස – සියඹලාගොඩ ප්රධාන මාර්ගය පානදුගම ප්රදේශයෙන් යට වී ඇත.
ඒ හේතුවෙන් මාර්ගයේ ගමනාගමනයට බාධා වී ඇතැයි දැනගන්නට ඇත.
මේ අතර, අධික වර්ෂාවත් සමග පීඩාවට පත් ජනතාවට සහන සැළසීම සඳහා නාවික හමුදා සහන කණ්ඩායම් 4ක් යොදවා ඇතැයි නාවික හමුදාව පවසයි.
නාවික හමුදා ප්රකාශක කපිතාන් ගයාන් වික්රමසූරිය මහතා සඳහන් කළේ, පසුගිය 04 වැනි දා සිට අදාළ ප්රදේශවලට සහන කණ්ඩායම් යොදවා ඇති බවයි.
මේ අතර කළුතර දිස්ත්රික්කයේ මතුගම සහ පාලින්දරනුවර ප්රාදේශිය ලේකම් කොට්ඨාසවලට නායයෑම් පිළිබඳ අවධානය යොමු කළ යුතු කහ නිවේදන නිකුත් කර ඇත.
ජාතික ගොඩනැගිලි පර්යේෂණ සංවිධානය පැවසුවේ, බදුල්ල දිස්ත්රික්කයේ පස්සර, ගාල්ල දිස්ත්රික්කයේ නෙළුව, නාගොඩ සහ ඇල්පිටිය, කළුතර දිස්ත්රික්කයේ පාලින්දනුවර, වලල්ලාවිට, අගලවත්ත සහ බුලත්සිංහල ප්රාදේශීය ලේකම් කොට්ඨාස සඳහා නිකුත් කළ නායයෑම් අනතුරු ඇඟවීම් තවදුරටත් ක්රියාත්මක වනු ඇති බවයි.
සබරගමුව පළාතේත්, ගාල්ල, මාතර සහ කළුතර දිස්ත්රික්කවල ඇතැම් ස්ථානවලට මිලිමීටර් 75 ට වැඩි තරමක තද වැසි ඇතිවිය හැකි බව කාලගුණ විද්යා දෙපාර්තමේන්තුව පැවසීය.
Galle Yellow notices
