හිටපු කථානායකවරුන් අසීමිත ලෙස වරප්රසාද භුක්ති විඳි අවස්ථාවක තම තනතුරට තිබූ වරප්රසාද කප්පාදු කරමින් ආදර්ශවත් පාර්ලිමේන්තුවක් නිර්මාණය කිරිමට වත්මන් කථානායක වෛද්ය ජගත් වික්රමරත්න මහතා කටයුතු කළ බව ජාතික ජන බලවේගයේ කළුතර දිස්ත්රික් පාර්ලිමේන්තු මන්ත්රී චන්දිම හෙට්ටිආරච්චි මහතා පැවසුවා.Sri Lanka Latest News
පාර්ලිමේන්තුවේදී ඔහු මේ බව පවසා සිටියා.
චන්දිම හෙට්ටිආරච්චි මහතා වැඩිදුරටත් පැවසුවේ, හිටපු කථානායකවරු වාහන සඳහා අන්ලිමිටඩ් තෙල් ගැසු බවත් 2023 දී හිටපු කථානායක මහින්ද යාපා අබේවර්ධන මහතා රුපියල් ලක්ෂ 148ක තෙල් ද 2024 වසරේදී රුපියල් ලක්ෂ 334ක තෙල් ගසා තිබෙන බවයි.
පාර්ලිමේන්තු මන්ත්රී චන්දිම හෙට්ටිආරච්චි මහතා,
“පාර්ලිමේන්තුවට ලණුවක් දුන්නාද නැද්ද කියලා පරීක්ෂණයක් යනවා. දයාසිරි ජයසේකර මන්ත්රීවරයා මූලික පරීක්ෂණ වාර්තාවක් සභාගත කළා. සභාගත කළ ඒ දේ මම බැලුවා. එහි පිටු අංක 18 තිබෙන්නේ, “දින තුනකදීම කුලරත්න මහතාගෙන් ප්රකාශ සටහන් කර ගත් අතර ඔහුට තවදුරටත් කරුණු ලිඛිතව ඉදිරිපත් කිරීමටත් ඒ සමඟ අවශ්ය යැයි සලකන ලිපි ලේඛන ඉදිරිපත් කිරීමටත් ඔහුට අවස්ථාව ලබාදුනිමි.” එසේ ඉඩ දුන්නේ නැහැ කියලා විපක්ෂ නායකවරයා, දයාසිරි මන්ත්රීවරයා දැන් මෙතැන වැළලෙන්න හැදුවා. ප්රජාතන්ත්රවාදය රෝල් කරලා කථානායකවරයාගේ පුටුව අස්සේ ගහලා කියන මට්ටමෙන් තමයි ඔවුන් කතා කළේ. නමුත් ඔහුම ඉදිරිපත් කළ වාර්තාවේම තිබෙනවා අවස්ථාව දුන් බවට. 2023 වසරේ නියෝජ්ය මහ ලේකම් තනතුරට ඇඩ්වර්ටීස්මන්ට් එකක් දානවා. ඒ අනුව තමයි මේ තනතුරට බඳවා ගන්නේ. කුලරත්න මහතාගේ සේවා ස්ථිර කිරීමේදී වෛද්ය පරීක්ෂණයකට පෙනී ඉඳලා නැහැ.
විපක්ෂයේ පශ්චාත් භාගය මෙමඟින් එළියට එනවා. පාර්ලිමේන්තුව අසභ්යකරණයට ලක් කරන්න ඇතැම් විපක්ෂයේ මන්ත්රීවරුන් උත්සාහ කරනවා. වෛද්ය ජගත් වික්රමරත්න කියන්නේ කවුද කියලා මම කියන්නම්. අසීමිත ඉන්ධන කථානායකවරුන් පාවිච්චි කරද්දී, කථානායකවරයෙකුට අසීමිත ඉන්ධන ඕන නැහැ කියලා තමන්ම යෝජනාව ගෙනැවිත් 2025 මැයි 02 වැනිදා සම්මත කරගෙන ඒක කප්පාදු කළ කථානායක. නිල රථ ඕසෙට තියාගෙන පැදපු කථානායකවරු සිටි තැන තමන්ට නිල රථ දෙකයි කියලා නිල රථ දෙකක් ගත්ත කථානායක. පෞද්ගලික කාර්ය මණ්ඩලයට මුළු යාපා පටුනම දාගෙන හිටපු කාලේ, මතකනේ. පුතත් යාපා, දුවත් යාපා. අන්න ඒ කාලයේ අකරතැබ්බයක් මේ පාර්ලිමේන්තුවට නොකර කාර්ය මණ්ඩලය 8කට සීමා කළ කථානායක, ඒ නිසා මම කැමතියි උපුටා ගැනීමක් කරන්න. හිටපු කථානායකලා අන්ලිමිටඩ් තෙල් ගැහුවේ. 2023 දී කථානායක රුපියල් ලක්ෂ 261ක තෙල් ගහලා. 2024 වසරේදී රුපියල් ලක්ෂ 334ක තෙල් ගහලා. නියෝජ්ය කථානායක 2023දී රුපියල් ලක්ෂ 148ක තෙල් ගහලා. රුපියල් ලක්ෂ 135ක 2023 වසරේදී තෙල් ගහලා. 2023දී හිටපු කථානායක ආහාර ලක්ෂ 26ක කාලා. රුපියල් ලක්ෂ 31ක 2024දී කාලා. වාහන, කථානායකට 2023දී 8යි. 2024දී 9යි. දැන් කථානායකට 2 යි. මාධ්ය ඒකකය 1යි. නියෝජ්ය කථානායකට ඒ දවස්වල 2023දී වාහන 6යි. දැන් 1යි. ආදර්ශවත් පාර්ලිමේන්තුවක් හදන්න මැදිහත් වූ කථානායකතුමා දැන් අමාරුයි දරන්න බැහැ. ඒ නිසා තමයි මේ මඩ ව්යාපාරය ගහන්නේ. විපක්ෂය දැන් ඇනගෙන ඉන්නවා. පොහොට්ටුවේ කුණු කරේ තියාගෙන ගිහිං විපක්ෂ නායකවරයා අමාරුවේ වැටිලා. නියෝජ්ය මහ ලේකම් වන්නම නටලා අවසන් වුණාම මහන්සි නම් එන්න අපි පස්සේ වෙලාවක සීතල වතුර වීදුරුවක් බොමු විපක්ෂ නායකවරයා.”
